هرات ولایتیدن محلی بیر منبع نینگ کیم‌لیگی سیرقالیش‌نی ایسته‌ب سلام‌وطندارگه ایتیشیچه، طالبان گروهی نینگ ملا رسول رهبرلیگی‌گه بولگن شاخه‌سی اورین باسری ملا عبدالمنان نیازی اوتگن کیچه کابل ده دنیا دن اوتگن. منبع نینگ ایتیشیچه، ملا نیازی درمان‌لنیش اوچون هرات دن کابل‌گه انتقال بیریلگن ایدی.
ملا نیازی اوتگن هفته “سه‌شنبه” کونی هرات ولایتی نینگ گذره تومنیده بیر آتیشمه‌ده یره‌لنگن ایدی.
بیراق، هرات ولایتیدن امنیتی بیر منبع نینگ ایتیشیچه، ملا نیازی یره‌لنگن کیچه‌سی جان بیرگن ایدی؛ لیکن طالبان نینگ اجره‌لگن بولیمی اونینگ اولیمی‌نی یاشیرگن ایدیلر.
ملا عبدالمنان نیازی طالبان دوریده هرات و بلخ حاکمی صفتیده فعالیت قیله‌گن. او، طالبان سابق رهبری ملا اختر منصور اولیمیدن سونگ، طالبان نینگ ملا محمدرسول رهبرلیگی‌گه بولگن بولیمی نینگ اورین باسری صفتیده تعیین‌لنگن ایدی.