سرپرست حکومت سۉزلاوچیسی ذبیحالله مجاهد، افغانستانده بیرلشگن ملتلر تشکیلاتی اورین باسرلیک هیئت ادارهسی (یوناما) ماموریتی اوزهیتیریلیشی گه مناسبت بیلدیریب، اوشبو ادارهدن افغانستان و بیرلشگن ملتلر تشکیلاتی همده باشقه مملکتلر مناسبتی مستحکملنیشی اوچون سعی-حرکت قیلیشینی سورهگن.
مجاهد، بوگون (۲۸-حوت، سهشنبه) ایکس صحیفهسیده بیر بیانیه ترقهتیب یوناما افغانستانده امنیت، اقتصاد و اجتماعی ترقیاتنی «توغری» عکس اېتّیریشده افغانستان خلقینینگ جهانی حقوقلری مثلن، سببسیز تحریملرنی بیکار قیلیش، موزلهتیلگن پولی آزاد اېتیلیشی و افغانستان چوکیسی اسلام امیرلیگی گه تاپشیریلیشی کبی ایشلر گه سعی-حرکت قیلیشی کېرهک دیگن.
بیزلرنینگ فیسبوک صحیفهمیزگه باش اورینگ!
سرپرست حکومت سۉزلاوچیسی گه کوره، افغانستانده بیرلشگن ملتلر تشکیلاتینینگ اورین باسرلیک هیئت ادارهسی «اوتمیش کبی سببسیز تشویش خلق و بیر یا که ایکّی مسئله اوچون افغانستان گه قرشی ترغیبات قیلمهی و مغرض دایرهلرنینگ قول آلهسی بولمسلیگی کېرهک.»
بیرلشگن ملتلر تشکیلاتی امنیت کینگشی، ۲۷-حوت، دوشنبه کونی اوتکزگن ییغیلیشیده کوپ آواز بیلن یوناما ماموریتینی ېنه بیر ییلگه قدر اوزهیتیردی. اوشبو آواز بیریشده، بیرلشگن ملتلر تشکیلاتی امنیت کینگشینینگ ۱۵ دایمی و نادایمی بوتون اعضاسی، بو ماموریت اوزهیتیریلیشی گه آواز بیرگنلر.
بیزلرنینگ «ایکس» ترماغی ده هم تعقیب قیلینگ!
بوندن آلدین، اسلام امیرلیگی سۉزلاوچیسی ذبیحالله مجاهد، افغانستانده یوناما ماموریتی موفق بولمهگنینی اېتگندی. مجاهدنینگ کوپهیتیریشیچه، یوناما افغانستان حقیده منفی گزارشلرنی ترقهتیش بیلن، دنیا گه بو مملکت حقیده «ناتوغری توشینچه»لرنی عکس اېتّیرگن.
