اسلام امیرلیگی سۉزلاوچیسی ذبیحالله مجاهد، ۱۷-عقرب، شنبه کونی مطبوعاتی ییغیلیشده، پاکستان هیئتینینگ مسئولیتسیز و همکارلیکسیز حرکتی سبب مذاکرهلر جریانی توختهتیلیب و نتیجهسیز یکونلنگنینی اعلان قیلدی.
او شونینگدیک، پاکستاندهگی بعضی حربی دایرهلر تورلی بهانهلر بیلن افغانستانده تینچلیک و برقرارلیکنی بوزیش گه حرکت قیلماقدهلیگی کوزهتیلگنینی تأکیدلهگن.
اسلام امیرلیگی سۉزلاوچیسینینگ قوشیمچه قیلیشیچه، پاکستاندهگی ناتینچلیک و پاکستان طالبلر تحریکی (تیتیپی) بارلیگی میلادی ۲۰۰۲-ییلدن باشلنگن و پاکستان حربیلرینینگ ناتوغری سیاستلرینینگ نتیجهسی دیر. مجاهد گه کوره، او پیتده پاکستان امریکا بیلن متحد اېدی و وزیرستانده دُران عملیاتی اویوشتیریلیشی گه ایزین بیردی.
اسلام امیرلیگی سۉنگی تورت ییل دوامیده پاکستان و تیتیپی اورتهسیده تینچلیک برقرار اېتیلیشی اوچون کوپ سعی-حرکتلر قیلدی، جملهدن مخصوص کمیسیون قوریش و مذاکرهلر گه زمینه یرهتیش، بیراق اسلامآباد هردایم بو جریاننی توسقینلیک بیلن روپهره قیلگن دیېدی، ذبیحالله مجاهد.
پاکستان و افغانستان هیئتی اورتهسیده اوچینچی باسقیچ مذاکرهلر اوتگن هفته پنجشنبه کونی باشلنیب و جمعه کونی یکونلندی، بیراق ایکی تامان اورتهسیدهگی اساسی معما حلیگچه حل قیلینمهگن.
