اسلام امیرلیگی سۉزلاوچیسی ذبیحالله مجاهد، حکومت آدرسیدن انترنت اوزیلیشی حقیده آسوشیتدپرس آژانسی تامانیدن ترقهلگن گزارشلر «ناتوغری و ساخته»لیگینی بیلدیردی.
مجاهد، ۱۰-میزان، پنجشنبه کونی ایکس صحیفهسیده بیر بیانیه ترقهتیب اسلام امیرلیگی هردایم اۉز قرهشلرینی حکومت گه عاید رسمی آدرسلردن بیلدیریشینی یازگن.
ذبیحالله مجاهد شوندهی دیب یازگن: «اگر بیزده بیرار قرهش بولسه و اونی اعلان قیلماقچی بولسک، اونی اۉز آدرسلریمیز آرقهلی بیان قیلهمیز، تشقی کاناللر آرقهلی اېمس.»
اسلام امیرلیگی سۉزلاوچیسی، یېتکرمهلر موضوعلرنی یاریتیشده مسئولیتلی و مسلکی شکلده عمل قیلیشلری کېرهک دیگن.
آسوشیتدپرس، اوتگن کون ذبیحالله مجاهد گه تیهنیب، افغانستانده انترنت فایبر نوری کیبللری اېسکیرگنی طفیلی اوزیلیب و کیبللرنی المشتیریش اوچون سعی-حرکتلر دوام اېتماقدهلیگینی ایتگن اېدی.
