داعش گروهی ۲۱-قوس، چهارشنبه کونی قاچقینلر وزیرلیگیده اویوشتیریلگن هجوم مسئولیتینی تن آلگچ؛ اسلام امیرلیگی سۉزلاوچیسی ذبیح‌الله مجاهد، اوشبو واقعه «الده‌ش و دسیسه» بیلن عملگه آشیریلگنینی اېتگن.
اسلام امیرلیگی سۉزلاوچیسی، قاچقینلر وزیرلیگی سرپرستی خلیلالرحمان حقانی نشانگه آلینگن اوتگن کونگی پارتلش‌نی «جنایت» اته‌ب، بو گَل واقعه‌لر داعش گروهی‌نینگ کوچلنیشیدن درک بیرمسلیگینی معلوم قیلگن.
اسلام امیرلیگی حربی کوچلری، بو کبی واقعه‌لر گه توسیق بولیشینی اېته‌دی، سرپرست حکومت سۉزلاوچیسی ذبیح‌الله مجاهد.
بیزلرنینگ فیسبوک صحیفه‌میزگه باش اورینگ!
اوتگن کون قاچقینلر وزیرلیگیده اویوشتیریلگن قانلی هجوم، ایچکی و خلق‌ارا کېنگ کولملی مناسبت‌لر بیلن روپه‌ره بولگن.
افغانستان‌ده بیرلشگن ملتلر تشکیلاتی‌نینگ نماینده‌لیک اداره‌سی (یوناما) سعودی عربستان، تورکیه، ایران، اروپا اتفاقی، اسلامی همکارلیک تشکیلاتی همده مملکت سابق جمهور باشلیغی حامد کرزی کبی تانیقلی سیاسی سیمالردن بیرقطاری، بو هجومنی قاره‌له‌گنلر.
شو بیلن بیرگه، سیاسی ایش بیلرمانلردن بیرقطاری بو کبی واقعه‌لر عملگه آشیریلیشیدن خواطر بیلدیریب، کشف و استخبارات کوچلری بو گَل واقعه‌لر گه توسیق بولیش اوچون اهالی یاردمی بیلن کوپراق سعی-حرکت قیلیشنی اېسته‌یدیلر.
بیزلرنینگ «ایکس» ترماغی ده هم تعقیب قیلینگ!
حربی و سیاسی ایش بیلرمان احمدخان اندر، افغانستان‌ده سۉنگی نیچه دهه اوروش و اسلام امیرلیگی حاکمیتیدن کېین خوفسیزلیک برقرار اېتیلیشی گه اشاره قیلیب، انیق کیشیلر افغانستان ناتینچ بولیشی اوچون سعی-حرکت قیلماقده دیېدی.
خلیلالرحمان حقانی، ۱۳۴۴-ییل دلو آیی‌ده افغانستان شرقی ولایتی پکتیاده دنیا گه کېلگن. حقانی جنابلری ۱۴۰۰-ییل‌ده اسلام امیرلیگی حاکمیتدن کېین، قاچقینلر وزیرلیگی سرپرستی صفتیده اېتیب تعیینلنگن اېدی.
