بلخ ولایتی مرکزی مزارشریف بلدیه ریاستی مسئوللری نینگ ایتیشلریچه، شهر گه ترتیب کیلتیریش مقصد قول اوستیده سودا ساته‌دیگنلرنی باشقه بیر ساحه گه انتقال بیره‌دیلر.
مزارشریف بلدیهسی نینگ سکتوری ایشلری بوییچه باشلیغی محمدجاوید مایار نینگ ایتیشیچه، اولر روضه اطرافیده‌گی قول اوستیده سودا ساته‌دیگنلر گه توارلری نینگ سابق قماقخانه ساحهسیگه انتقال بیریشلری اوچون جاری ییل ۱۰-اسد‌گچه وقت بیرگنلر.
بیزلرنینگ «ایکس» ترماغی ده هم تعقیب قیلینگ!
جناب مایار، مذکور ساحه گه انتقال تاپه‌دیگن قول اوستیده سودا ساته‌دیگنلر گه مناسب آسایشته‌لیکلر یره‌تیلیشی خصوصیده تاکیدلب و کوپه‌یتیریشیچه، اولردن بیر ییل‌گچه کرایه آلینمسلیگی گه قرار آلینگن.
مزارشریف بلدیهسی نینگ سکتوری ایشلری بوییچه باشلیغی گه کوره: «قول اوستیده سودا ساته‌دیگنلر تعیین‌لنگن وقت‌گچه سابق قماقخانه ساحهسیگه بارمه‌گنلری صورت‌ده، اولر بیلن قانونی یانده‌شیلیشی ممکن.»
شونده‌ی بیرحالده، قول اوستیده سودا ساته‌دیگنلر بلدیه آرقه‌لی آلینگن قرار گه قرشی‌لیکلری نی بیلدیریب و بو قرار نینگ اوزگریشینی ایسته‌گنلر.
قول اوستیده سودا ساته‌دیگنلر نینگ ایتیشلریچه، سابق قماقخانه نینگ شهر مرکزی‌دن اوزاق‌لیگی سبب، یشاوچیلر او ییر گه سودا آلیش اوچون بارمه‌یدیلر.
بیزلرنینگ فیسبوک صحیفه‌میزگه باش اورینگ!
قول اوستیده سودا ساته‌دیگنلردن بیری عبدالباری نینگ ایتیشیچه: «بو ییردن قماقخانه گه باریش گه رضایتی‌میز یوق، چونکه کوپ اوزاق و هیچ کیم او ییر گه بارمه‌یدی. کونلر ساتیشیمیز بولمسدن او ییرگه باریش گه امکانیتی‌میز یوق.»
قول اوستیده سودا ساته‌دیگنلردن باشقه بیری نورالله، مزارشریف بلدیهسی نینگ بو اقدامی گه عکس‌العمل بیلدیریب و ایتیشیچه: «بلدیه فکرینی اوزگرتیریشی کیرهک و قول اوستیده سودا ساته‌دیگنلر گه باسیم کیلتیرمه‌سین. جبری بیر شکلده بولگنی‌ده مهاجرت قیلیش گه مجبور بوله‌میز و مجبور ایران یا-ده پاکستان کیتسه‌ک، چونکه قماقخانه‌ده بازار یوق.»
ایتیش کیرهک که شهر سرکلریده قول اوستیده سودا ساته‌دیگنلر نینگ بارلیگی، قدیم‌دن بیری بولگن قیین‌چیلیکلردن دیر که تورلی توزوملر اونگه حل یول تاپیش مقصد، سعی‌وحرکت قیلگنلر.
