اسلام امیرلیگی تشقی ایشلر وزیرلیگی سرپرستی امیرخان متقی و ایران تشقی ایشلر وزیری سیدعباس عراقچی، بیر بیری بیلن اوچرهشیب و ایکی تامان ایکی تامانلمه مناسبتلر، خوفسیزلیک مسئلهلر، سوو مسئلهسی و ایران ده افغانستانلیک قاچقینلر وضعیتی حقیده صحبت قیلگنلر.
تشقی ایشلر وزیرلیگی سوزلاوچیسی اورینباسری ضیااحمد تکل، ۲۷-ثور، شنبهدن یکشنبه گه اوتر کیچه بیر بیانیه آرقهلی یازیشیچه، مذکور اوچرهشووده متقی کابل و تهران مناسبتلرینی اونملی دیب، ایکی مملکت آرهسیده دیپلماتیک مناسبتلر سطحی آشیشی و تورلی بولیملرده همکارلیکلر کوپهیشینی ایستهگن.
بیزلرنینگ فیسبوک صحیفهمیزگه باش اورینگ!
امیرخان متقی، افغانستانلیک قاچقینلردن ایراننینگ میزبانلیک قیلیشی اوچون قدردانلیک قیلیب و ایتیشیچه، اسلام امیرلیگی افغانستانلیک قاچقینلرنینگ مملکت گه قیتیشی توغریسیده شرایط یرهتیشگه متعهد دیر.
او، ایران رسمیلریدن قاچقینلرنینگ بیردن چیقریلمسلیگینی ایستهب و بو بیلن بیرگه، افغانستانلیک محبوسلرنینگ یوباریلیشی و اولرگه آسایشتهلیکلر یرهتیلیشی توغریسیده ایراننینگ همکارلیگینی سورهگن.
سرپرست حکومت تشقی ایشر وزیرلیگینینگ بیانیهسی اساسیده، شونینگدیک مذکور اوچرهشوود سیدعباس عراقچی، ایران و افغانستان آرهسیده مناسبتلر مستحکملنیشیگه تاکیدلب و ایتیشیچه، ایکی مملکت همکارلیکلرنی رواجلنتیریش یولیده آدیم-آدیم حرکت قیلیشی کیرهک.
شونینگدیک او، ایران دن افغانستانلیک قاچقینلر قیتریلیشینینگ «باسقیچمه-باسقیچمه و قدر-قیمت بیلن» عملگه آشیریلیشی کیرهکلیگی و ایران آرقهلی اولرگه کوپراق آسایشتهلیک یرهتیلیشی توغریسیده سوز بیرگن.
بیزلرنینگ «ایکس» ترماغی ده هم تعقیب قیلینگ!
ایران، نیچه دههدن بویان، کوپینچه افغانستانلیک قاچقینلر میزبانی دیر؛ لیکن سونگی بیر ییلده، بو مملکتدن قاچقینلرنینگ چیقریلیش پروسهسی کوچهیگن.
امیرخان متقی، اوتگن کون بیر هیئت ییتکچیلیگیده «تهران اوچرهشوولر فرمی» ییغیلیشیگه شرکت قیلیش مقصد، ایران گه کیتگن
