اسلام امیرلیگی تشقی ایشلر وزیرلیگی رسمی‌لری، اوشبو وزیرلیک سرپرستی تورکمنستان تشقی ایشلر وزیری بیلن اوچره‌شگنیدن خبر بیرگنلر.
اسلام امیرلیگی تشقی ایشلر وزیرلیگی سوزلاوچیسی نینگ اورین باسری ضیااحمد تکل، بوگون (شنبه، ۲۵-قوس)، اوز ایکس اجتماعی ترماغی ده، اوشبو وزیرلیک سرپرستی امیرخان متقی تورکمنستان تشقی ایشلر وزیری رشید مراداوف و همراه هیئتی بیلن اوچره‌شگنینی یازگن.
بیزلرنینگ فیسبوک صحیفه‌میزگه باش اورینگ!
او نینگ کوپه‌یتیریشیچه، امیرخان متقی هرات تورغندی بندری ده تورکمنستان تشقی ایشلر وزیری بیلن اوچره‌شگن.
ضیااحمد تکل گه کوره، تورکمنستان تشقی ایشلر وزیری اوشبو اوچره‌شووده، ایکی مملکت آره‌سیده قوشمه پروژه‌لر جمله دن اقتصادیات، ترانزیت، برق، تیمیر یول ساحه‌لریده‌گی لایحه‌لر نینگ عملی ایشلرینی یقیندن کوزه‌تگن.
بوندن آلدین، اسلام امیرلیگی سوو و برق وزیرلیگی «تاپی پروژه» ایشینی تطبیق قیلیش اوچون تورکمنستان بیلن هماهنگ بولیشینی سوره‌گن ایدی.
شونینگدیک، صناعت و سوداگرلیک وزیرلیگی، سرپرست حکومت رهبریتی افغانستان آرقه‌لی تورکمنستان نینگ گاز و نفتی پاکستان گه انتقال بیریش کیلیشووینی تصدیقله‌گنیدن خبر بیرگن ایدی.
بیزلرنینگ «ایکس» ترماغی ده هم تعقیب قیلینگ!
مذکور وزیرلیک سوزلاوچیسی عبدالسلام جواد نینگ سلام‌وطندار گه ایتیشیچه، اوشبو ریجه اساسیده تورکمنستان گازی و نفتی سیناو شکلده آلتی آی گچه پاکستان گه انتقال بیریله‌دی و افغانستان نینگ منفعتی باره‌سیده هم اویلنگن و کیین ایسه دایمی بولیشی اوچون قرار قیلینه‌دی.
ایتیش کیره‌ک، تورکمنستان هم باشقه اولکه‌لر کبی اسلام امیرلیگی حاکمیتینی حاضرگچه تن آلمه‌گن بولسه ده، بیراق افغانستان بیلن تورلی ساحه‌لرده همکارلیگی گه دوام بیریب کیلماقده.
