سرپرست حکومت تشقی ایشلر وزیرلیگی سرپرستی امیرخان متقی، تاپی لایحهسی ایشی عملی طرزده باشلنیشی اسلام امیرلیگی نینگ بیرینچی ایشلریدن بولیب و افغانستانده بو لایحه نینگ عملی ایشی یقین کونلرده باشلنیشی ممکن دیگن.
اسلام امیرلیگی تشقی ایشلر وزیرلیگی سۉزلاوچیسی ضیااحمد تکل، ۴-اسد، پنجشنبه کونی ایکس صحیفهسیده یازیشیچه، متقی بو سۉزلرنی کابل ده تورکمنستان ایلچیسی خواجه عوضوف بیلن اوچرهشووده بیان قیلگن.
بیزلرنینگ فیسبوک صحیفهمیزگه باش اورینگ!
تکل نینگ کوپهیتیریشیچه، خواجه عوضوف تاپی لایحهسی عملی ایشی یوتوقلرینی تشقی ایشلر وزیرلیگی سرپرستی بیلن شریک قیلگن.
بیانیه ده کېلیشیچه، بو اوچرهشووده تامانلر افغانستان و تورکمنستان اۉرتهسیدهگی دیپلماتیک مناسبتلرنی مستحکملش خصوصیده بحث اېتگنلر.
باشقه تاماندن، تورکمنستان و پاکستان، افغانستان اشتراکی بیلن تاپی لایحهسی ایشینی باشلش اوچون کېلیشگنلر.
بوندن آلدین اسلام امیرلیگی کانلر و پترولیم وزیرلیگی، تاپی لایحهسی حقوقی ایشلری حل بولیشیدن سۉنگ، افغانستانده بو لایحه نینگ عملی ایشی قیته دن باشلشینی معلوم قیلگن اېدی.
بیزلرنینگ «ایکس» ترماغی ده هم تعقیب قیلینگ!
تاپی لایحهسی تورکمنستان نینگ طبیعی گازینی افغانستان آرقهلی پاکستان و هندوستان گه انتقال بیرهدی. بو لایحه میلادی ۲۰۲۱۶-ییلده تورکمنستان، افغانستان، پاکستان و هندوستان رهبرلری تامانیدن آچیلدی؛ بیراق منطقه دهگی اېریم توسیقلر و افغانستانده سیاسی اۉزگریشدن کېین، اوشبو لایحه نینگ عملی ایشی حاضرگه قدر باشلنمهگن.
