سرپرست حکومت فواید عامه وزیرلیگی، اوتگن بیر هفتهده ۷۷ مینگ ۲۹ متریک تُن توار مملکت تیمیر یوللری آرقهلی آلیش-بیریش بولگنینی معلوم قیلگن.
فواید عامه وزیرلیگی سۉزلاوچیسی محمداشرف حقشناس، بوگون (۲۴-سرطان، سهشنبه) ایکس صحیفهسیده بیر بیانیه ترقهتیب، اوشبو مقدار توار ۱۳ دن ۱۹-سرطانگچه انتقال بیریلگنینی یازگن.
بیزلرنینگ فیسبوک صحیفهمیزگه باش اورینگ!
بیانیه اساسیده، حیرتان بندری آرقهلی ۵۸ مینگ ۸۵۰ تُن، آقینه بندری آرقهلی آلتی مینگ ۷۴۵ تُن، تورغندی بندری آرقهلی بیش مینگ ۴۳۸ تُن و خواف-هرات بندری آرقهلی بیش مینگ ۹۹۶ تُن توار انتقال بیریلگن.
اوتگن بیر هفته ایچیده، ۴۶۴ تُن توار تیمیر یوللری آرقهلی صادر قیلینگن، اولرنینگ کوپ قسمینی قوریق میوه و انار سووی تشکیل بیرهدی.
بیزلرنینگ «ایکس» ترماغی ده هم تعقیب قیلینگ!
فواید عامه وزیرلیگی گه کوره، مملکت تیمیر یوللری آرقهلی صادرات و واردات حجمی کوپهیشی ایش فرصتلری یرهتیلیشی، ملی درآمد آشیشی، اقتصادی ثبات، ترقیات و اۉزنی تأمینلش گه سبب بولهدی.
مذکور وزیرلیکنینگ کوپهیتیریشیچه، تیمیر یول آست قورمهلری کېنگهیتیریلیشی، آلیش-بیریش جریانی آسانلشتریلیشی، سوداگرلر قۉللب-قوتلنیشی اوچون، تیمیر یوللری کېنگهیتیریلیشی گه سعی-حرکت قیلماقدهلر.
