کنر ولایتی چوکی (څوکی) تومنیده ۹-سنبله یوز بیرگن زلزله، کوپینچه جانی تلفات و کینگ کولملی ویرانلیکلرگه سبب بولگنی یانیده، اوشبو تومنده چاروهچیلیککه هم جدی زیان ییتیشتیرگن. بو زیانلر کوپراق چوکی تومنینینگ اندرلچک و فهوسیری منطقهلریگه ییتیشگن.
چوکی تومنیده «اندرلچک» کمپی یشاوچیسی یعقوبنینگ ایتیشیچه، چاروهلریدن برچهسی زلزلهده تلف بولگن. اونینگ کوپهیتیریشیچه: «چاروهلریمدن برچهسینی قولدن بیردیم؛ قریب ۱۰۰ باش ایچکیم بار ایدی که حاضر فقط ۲۰ باش ایچکیم قالگن؛ اونگه علاوه، تورت ته سیگیریمنی هم قولدن بیردیم. حیاتیمیز اوشبو چاروهلر گه باغلیق دیر و حاضر برچهسی اورتهدن کیتگن.»
بیزلرنینگ فیسبوک صحیفهمیزگه باش اورینگ!
اندرلچک یشاوچیلریدن باشقه بیری محمدیوسفنینگ ایتیشیچه، بیش باش سیگیر و نیچه باش چاروهسینی زلزلهدن قولدن بیرگن. «زلزلهده چاروهلریمیزنی قولدن بیردیک؛ قوی و ایچکیمیز تلف بولدی. حاضر قالگن چاروهلریمیزنی تانیشلرگه بیرگنمین که سقلهسینلر؛ چونکه باشقه او ییرده حیات کیچیره آلمهیمیز.»
محمدیوسفنینگ ایتیشیچه، اویی و چاروهلری یوز بیرگن زلزلهده اورتهدن کیتیب و اوزی ایسه اندرلچک کمپیده تیریکچیلیک قیلیشگه مجبور بولگن.
شونینگدیک چوکی تومنی فهوسیری منطقه یشاوچیسی ثمرگلنینگ ایتیشیچه، زلزلهده چاروهخانهلرینینگ تامی ییقیلیب و چاروهلری تلف بولگن. «۳۰-۴۰ باش چاروهم بار ایدی که تاشلرنینگ توشگنی نتیجهسیده اولردن قطاری زیان کوریب و بیش باش ایچکی تلف بولدی. اوشبو ایچکیلر سوتیدن فایدهلنهر ایدیک.»
مذکور ایرککنینگ کوپهیتیریشیچه، زلزلهدن کیین چاروهلریدن قطاری تاغلرده یوقالیب و بیر قطاری ایسه حاضرگچه چوللرده آچلیک و سووسیزلیک بیلن سرگردان بولیب قالگن.
شوندهی بیرحالده، چوکی تومنینینگ رواجلنتیریش عمومی مدیری عزیزاحمد صافیگه کوره، ۹-سنبلهده یوز بیرگن زلزلهده، ییتی مینگدن آرتیق چاروه و ییتی مینگدن آرتیق تاووق و قوش تلف بولگن. اونینگ کوپهیتیریشیچه: «توپلم شکلده ۷ مینگ ۲۰۳ باش چاروه و قریب ۷ مینگ ۱۰۷ قوش و تاووق اورتهدن کیتگن. بو توغریده همکار نهادلر تیکشیریش اوتکزگن. باش کونلرده یرهلنگن چاروهلرگه خذمت کورسهتیلیب و اولرنینگ دوالنیشی اوچون وترنرلرنینگ حضوری بار ایدی.»
بیزلرنینگ «ایکس» ترماغی ده هم تعقیب قیلینگ!
صافی گه کوره، چاروهدارلرگه بیر قطار یاردم بیریلیب و شونینگدیک کیلهجکده هم زلزلهدن جبرلنگنلر بیلن چاروهلر آذوقهسی بولیمیده همکارلیک بولیشی ممکن.
چاروهلرگه دارو و آذوقه یاردملری تامینلنیشی بیلن سیگیرخانهلر و اوتلاقلرنینگ قیته قوریلیشی، حاضر چوکی تومنیدهگی چاروهدارلرنینگ اینگ اونملی نیازلریدن دیر. اصلی درآمد منبعنینگ اورتهدن کیتگنی، مذکور تومن یشاوچیلری اوچون جدی قیینچیلیک بولیب و اونینگ حل بولیشی، دولتی و نادولتی نهادلرنینگ عاجل حمایتی گه نیازی بار.
