روسیه آرقهلی اوکرایننینگ خارکیف شهریگه اویوشتیریلگن سونگی هجوملر نتیجهسیده، کمیده تورت کیشی هلاک بولیب و ۶۰دن آرتیق کیشی یرهلنگن.
رویترز آژانسینینگ بوگون (۱۸-جوزا، یکشنبه)، گزارش بیریشیچه، خارکیف شهری اوچ ییلدن بیری دوام قیلهیاتگن اوروش جریانیده، دایم روسیهنینگ راکته هجوملری بیلن نشانگه آلینگن.
بیزلرنینگ فیسبوک صحیفهمیزگه باش اورینگ!
گزارشلر اساسیده، یشش بنالر، تعلیمی مرکزلر و آستقورمهلر نشانگه آلینیب و هجوملردن کیین، یانغین هم یوز بیرگن.
محلی رسمیلر، روسیه هجوملریگه اشاره قیلیب و ایتیشیچه، بیر قطار کیشینینگ ویرانهلر آستیده قالگنی و قربانیلر سانینینگ کوپهیشی ممکن.
اوکراین جمهور باشلیغی ولودیمیر زلنسکی، اوشبو هجوملرگه قرشی عکسالعمل بیلدیریب ایتیشیچه: «اوتگن کیچه خارکیف شهریگه پهپاد بیلن کینگ هجوم اویوشتیریلیب و حاضر هوا بمبلری آتیلماقده. سونگی ۲۴ ساعتده اونلب کیشی یرهلنگن.»
بیزلرنینگ «ایکس» ترماغی ده هم تعقیب قیلینگ!
اوکراین اردوسینینگ اعلام قیلیشیچه، روسیه کوچلری کیچه تامان ۲۰۶ پهپاد، ایکی بالستیک راکته و باشقه ییتی راکتهنی اوکراین تامان آتگنلر. اوکرایننینگ هوا مدافعه کوچلری ۸۷ پهپادنی اورتهدن کیتگزیش و باشقه ۸۰ پهپادنی الکترونیکی اوروش یاردمی بیلن توختته آلگنلر.
اوکراین و روسیه اوروشی، ۲۰۲۲-ییل فبروری آییده باشلنیب و اوشبو توقنشوولر توختهتیلیشی اوچون خلقارا سعیوحرکتلر حاضرگچه نتیجه بیرمهگن.
