کابل ده روحی سلامتلیک کسلخانهسی متخصص شفاکارلرینینگ سلاموطندار گه ایتیشلریچه، آیده افغانستان بویلب ۵۰۰۰ دن ۵۵۰۰ کیشی روحی خذمتلردن فایدهلنیش مقصد، بو کسلخانه گه مراجعت قیلهدی. اولرنینگ ایتیشلریچه، بو ییل مذکور کسلخانه گه مراجعت قیلگن کیشیلر سانی، اوتگن ییللرگه قرهگنده کوپهیگن.
اوشبو شفاکارلر، کابل ده روحی سلامتلیک کسلخانهسیگه مراجعت قیلووچیلر سانی کوپهیگنینی، نهفقط خذمتلر کورسهتیلیشینینگ یخشیلنیشی و دوالنیشدن قولهی شکلده فایدهلنیش نتیجهسی، بلکیم روحی سلامتلیک اهمیتیگه نسبت اهالی آگاهیلیگی آشگنی عنوان قیلهدیلر.
کابل ده روحی سلامتلیک کسلخانهسیده متخصص ترینر سید نجیبالله جاوید، سلاموطندار بیلن اوتکزگن صحبتلریده بو کسلخانهگه مراجعت قیلهدیگن کسللر سانی کوپهیگنینی بیان قیلیب و اونینگ سببینی دوالنیش بولیمیده آسایشتهلیک یرهتیلگنی، خذمتلرنینگ یخشیراق کورسهتیلیشی و اهالینینگ آگاهیلیک سطحی یوقاریلیگی دیگن. «آیده تورلی بولیملرده مراجعت قیلهدیگن کسلر سانی ۵ مینگدن ۵۵۰۰ کیشی دیر. بو کسل ۱۰۰ یاتاقلی بولیب و قریب ۲۵۰-۳۰۰ کسل بستر بولهدی و اولرگه خذمت کورسهتیلهدی و رخصت بولهدیلر.»
بیزلرنینگ «ایکس» ترماغی ده هم تعقیب قیلینگ!
کابل ده روحی سلامتلیک کسلخانهسینینگ روحی کسللیکلر بوییچه متخصصی سیدنصرت فروتن، روحی کسللیکلر عاملینی ژنیتیکی یا-ده ارثی، محیطی، استرس و عایلهوی باسیملر دیگن.
اونینگ کوپهیتیریشیچه، بو کسللیک آلدینی آلیش اوچون کسللر و اولرنینگ عایلهلریگه آگاهیلیک بیریلیشی کیرهک. «جدی شکلده روحی قیینچیلیکلرگه چلینگن کیشیلر اونچهلیک توشینه آلمهیدی و اولرنینگ اورنیگه عایلهلریگه آگاهیلیک بیریلیشی کیرهک که روحی کسللیککه چلینگن بیر کیشی بیلن قندهی یاندهشسهلر.»
در همین حال سویتا حبیبی، روانشناس میگوید، زنان نسبت به مردان بیشتر به بیماری های روانی یا افسردگی روبهرو اند.
شوندهی بیرحالده، روانشناسلردن بیری سویتا حبیبینینگ ایتیشیچه، ایرککلرگه نسبت عیاللر کوپراق روحی یا-ده افسردهلیک کسللیکلریگه روپهره بولهدیلر. او، روحی قیینچیلیکلر سببینی، مملکتده تعلیم و عیاللر ایشی تقیقلنگنی کبی یرهتیلگن چیکلاولر دیگن. «کیلهجککه بیر برنامه یوقلیگی و امیدسیزلیک روحی قیینچیلیکلرگه سبب بولهدی. درست بیر برنامهلری بولیب، تیکووچیلیک و رساملیک کبی مهارتلر یوزیگه ایشلهسینلر یا-ده بیران تیل اورگنسینلر.»
شوندهی بیرحالده، کابل یشاوچیسی بولمیش ۲۴ یاشر سمیرا احمدینینگ ایتیشیچه، قیزلر یوزیگه بیلیم یورتلر یاپیلگنیدن سونگ، روحی قیینچیلیکلر بیلن روپهره بولگن. «قیزلر یوزیگه بیلیم یورتلر ایشیگی یاپیلگنیدن کیین حیاتیم اوزگردی. امیدسیز بولدیم. دایم ییغلهر ایدیم. عایلهم روحی قیینچیلیگیم بارلیگینی توشیندی و شفاکار گه باردیک. شفاکار افسرده بولگنیمنی ایتدی.»
کابل یشاوچیلریدن باشقه بیری ۲۳ یاشر مریم حقجونینگ ایتیشیچه، رضایتی بولمسدن نامزد بولگن و نامزدی بیلن تفاهملری بولمهگنی سبب، افسردهلیک و روحی کسللیککه چلینگن. «نامزدمنینگ عایلهسی دایم باسیم کیلتیرهر ایدی و مینی هیچ کیم درک قیلمهیدی. کون اوتیشی بیلن روحی وضعیتیم یامان بولدی، عایلهم مینی شفاکار گه آلیب کیتدی و شفاکار هم افسرده بولگنیمنی ایتدی. دوالندیم و دارو ییدیم. نیچه جلسه باریب گپلشدیم و کیین یخشیراق بولدیم.»
حاضر کابل ده روحی سلامتلیک کسلخانهسیگه بستر بولگن باشقه بیر قطار کسللر بیلن صحبت قیلماقچین بولدیک؛ بیراق اولرنینگ روحی وضعیتی درست بولمهگنی سبب، موفق بولمهدیک.
بیزلرنینگ فیسبوک صحیفهمیزگه باش اورینگ!
شوندهی بیرحالده، مذکور کسللر همراهلریدن قطارینینگ ایتیشلریچه، کسللری یخشی و یاماننی فرق قیله آلمهی و هر قچان یانلریدهگی کیشیلرگه هجوم قیله آلهدیلر.
پکتیا ولایتی یشاوچیسی و کابل ده روحی سلامتلیک کسلخانهسیدهگی کسللردن بیرینینگ آتهسی فاروق بشردوستگه کوره، قیزی یامان روحی وضعیتده قرار تاپگن. اونینگ ایتیشیچه: «اوزینی اولدیرماقچین بولدی. سیچقان داروسینی ییدی. بیر آیدن بیری بو کسلخانه گه بستر دیر. فکری درست ایشلمهیدی. مینی آنهمده هم بو کسللیک بار ایدی. باشینی دیوار گه و شیشهگه اورهر ایدی. اویده اوروشنی تشلهر ایدی. تلویزیوننی میده قیلگن ایدی. قیزیم اویده برچه کیشی بیلن اوروشهر ایدی و مین بیلن ایناغهلرینی دشمنی فکر قیلهر ایدی.»
بیرلشگن ملتلر تشکیلاتینینگ قاچقینلر ایشلری بوییچه عالی کمیشنری، قویاش ۱۴۰۳-ییلده افغانستانلیک قیزلر و عیاللر آرهسیده روحی باسیملر کوپهیگنیدن خبر بیریب و بو مملکتده هر بیش کیشیدن بیر تهسینینگ جدی روحی قیینچیلیکلردن اذیت چیکیشینی ایتگن ایدی.
