سمنگان ده یوز بیرگن زلزلهدن کیین، بو واقعهدن جبرلنگنلردن قطارینینگ ایتیشلریچه، حاضرگچه حیاتنینگ دستلبکی امکانیتلریدن فایدهلنه آلمهیدیلر.
سمنگان ولایتی خُلم تومنی یشاوچیلریدن شجاعنینگ ایتیشیچه، دایمی باشپنه و آزیق-آوقتدن فایدهلنه آلمسلیک اولر برابریدهگی اینگ مهم قیینچیلیکلردن دیر. اونینگ کوپهیتیریشیچه: «حاضرگچه تورلی نهادلر سروی قیلگنلر و یاردم قولگه کیلتیرمهگنمیز؛ زلزلهده نیچه اوییمیزنی قولدن بیردیک و کیچهنی بالهلریمیز بیلن آچیق هواده اوتکزدیک.»
سمنگان ده یوز بیرگن زلزلهدن جبرلنگن کیشیلردن باشقه بیری محمدظاهرنینگ ایتیشیچه، جبرلنگنلرپن قطاری آچیق هواده تیریکچیلیک قیلماقده. «بیر خیمه گه نیازیمیز بار؛ زلزلهدن کیین تشقریده اوخلهدیک. اوییمیز بوزیلگن؛ قورقیب قیته اویگه باره آلمهیمیز.»
مذکور زلزلهدن جبرلنگنلر، حکومت و یاردم بیرووچی نهادلردن، اولرنینگ قیینچیلیکلری حل بولیشینی سورهگنلر.
بولرگه علاوه، سمنگان حاکمی اورینباسری دادخدا خادمنینگ ایتیشیچه، زلزلهدن جبرلنگنلرگه دایمی باشپنه یرهتیلیشی و انسانسیورلیک یاردملر قولگه کیلیشی اوچون سعیوحرکتلر دوام قیلماقده. «یوز بیرگن بو زلزلهده شهید بولگنلرنینگ عایلهلریگه اسلام امیرلیگی آرقهلی نقد پول یاردم بیریلدی؛ یرهلنگنلرگه آزیق-آوقت، طبی خذمتلر و کییم بیلن باشقه بیر قطار نرسهلر تیارلنماقده.»
۱۲-عقرب، افغانستان شمالیده ۶.۳ درجه ریشترلیک زلزله یوز بیریب، کوپینچه جانی تلفات و مالی زیان گه سبب بولگن.
