قاچقینلر قیینچیلیکلرینی حل قیلیش بوییچه عالی کمیسیونینینگ اعلام قیلیشیچه، ایران و پاکستان دن تورت مینگ ۳۰۱ افغانستانلیک مملکت گه قیتریلگن.
اوشبو کمیسیون، بوگون (۲۲-قوس، شنبه)، اکس صحیفهسیده بیر بیانیه آرقهلی یازیشیچه، مذکور کیشیلر اوتگن کون هرات ده اسلامقلعه، نیمروز ده پل ابریشم، قندهار ده اسپینبولدک، ننگرهار ده تورخم و هلمند ده بهرامچه چیگره قتناو یوللری آرقهلی افغانستان گه قیتگنلر.
قاچقینلر قیینچیلیکلرینی حل قیلیش بوییچه عالی کمیسیونینینگ کوپهیتیریشیچه، ایران و پاکستان دن قیتگنلردن قطاریگه نقدی یاردم، آزیق-آوقت و طبی خذمتلر کورسهتیلگن.
مذکور ایکی مملکتدن افغانستانلیک قاچقینلرنینگ چیقریلیشی دوام قیلماقده و هر کونی، ایران و پاکستان بیلن بولگن چیگره قتناو یوللری آرقهلی مینگلب کیشی افغانستان گه قیتریلهدی.
بوندن آلدین اسلام امیرلیگی، جاری ییل باشلنگنیدن حاضرگچه ایکی میلیون کیشینینگ افغانستان گه قیتگنینی معلوم قیلگن.
