احصائیه و معلومات ملی ادارهسی، قویاش ۱۴۰۴-ییلده مملکت مقیاسیده ۴.۵۴ میلیون متریک تُن بوغدای یېتیشتیریلگنینی معلوم قیلگن.
اوشبو اداره، ۱۴-عقرب، چهارشنبه کونی بیر بیانیه ترقهتیب بو حقده خبر بیرگن.
بیانیه گه کوره، مملکت مقیاسیده یېتیشتیریلگن اوشبو مقدار بوغدایدن ۴.۱۳ میلیون متریک تُنی آبی و ۴۰۴ مینگ متریک تُنی دیمه (للمی) بولگن.
احصائیه و معلومات ملی ادارهسینینگ بیانیهسی اساسیده، اوشبو ییلده ۸۹.۱ میلیون هکتار ییرده بوغدای اېکیلگن و اونینگ ۱.۳۳ میلیون هکتاری آبی و ۵۶۲ مینگ هکتاری للمی بولگن، بو رقم اوتگن ییل گه قرگنده تورت فایز آبی و ۲۴ فایز للمی ییرلرده بوغدای حاصلی کمهیگنینی کورستهدی.
احصائیه و معلومات ملی ادارهسی، قورغاقچیلیک، وقتیده یامغیر یاغمسلیک و نباتی کسللیکلرنی اوشبو ییلده بوغدای حاصلی کمهیش دلیلی دیب اتهگن.
بو اداره، بوغدای هلمند، قندوز، هرات، قندهار، فراه، بادغیس و تخار ولایتلریده کوپراق اېکیلگنینی بیلدیرگن.
احصائیه و معلومات ملی ادارهسی معلوماتی اساسیده، اهالی سانی تخمینی گه کوره، بوتون مملکت بوییچه جمعی قریب ۶.۸۷ میلوین متریک تُن بوغدای گه احتیاج بار، قویاش ۱۴۰۴-ییلده یېتیشتیریلگن بوغدای مقداری گه قرهگنده، قریب ۲.۳۳ میلیون متریک تُن تنقیصلیک کوزهتیلگن.
