اسلام امیرلیگی فواید عامه وزیرلیگی، قویاش ۱۴۰۴-ییل، سرطان آییده مملکت تیمیر یوللری آرقهلی ۳۹۳ مینگ ۲۹۴ متریک تُن توار آلیش-بیریش بولگنینی معلوم قیلگن.
بیزلرنینگ فیسبوک صحیفهمیزگه باش اورینگ!
فواید عامه وزیرلیگی سۉزلاوچیسی محمداشرف حقشناس، بوگون (۷-اسد، سهشنبه) بیر بیانیه ترقهتیب، نفت و باشقه نرسهلر آلیش-بیریش بولگن توارلردن عبارت ایکنینی بیلدیرگن.
بیانیه اساسیده، حیرتان بندری آرقهلی ۲۸۶ مینگ ۱۸۷ تُن، آقینه بندری آرقهلی ۳۳ مینگ ۷۷۲ تُن، تورغندی بندری آرقهلی ۳۶ مینگ ۱۰۹ تُن و خواف-هرات بندری آرقهلی ۳۷ مینگ ۲۲۶ تُن توار، آلیش-بیریش بولگن.
بیزلرنینگ «ایکس» ترماغی ده هم تعقیب قیلینگ!
فواید عامه وزیرلیگی سۉزلاوچیسی گه کوره، سرطان آییده افغانستان تیمیر یوللری آرقهلی اوچ مینگ ۱۸۹ تُن سودا تواری صادر قیلینگن، اوشبو توارلر قوریق میوه و انار سووی جوسیدن عبارت دیر.
