فاریاب ولایتی محلی مسئوللری، اوچ کون قربان هییت بیرهمیده، مینگلب ایچکی سیاح اوشبو ولایتنینگ تورلی جاذبهلی و طبیعی جایلرینی یقیندن باریب کورگنینی معلوم قیلهدیلر.
فاریاب معلومات و مدنیت باشلیغی شمسالدین محمدی گه کوره، قویاش ۱۴۰۴-ییل، قربان هییت بیرهمیده، ۳۰ مینگدن آرتیق سیاح، بو ولایتنینگ جاذبهلی و طبیعی مکانلری همده دمآلیش جایلرینی یقیندن باریب کورگن.
بیزلرنینگ «ایکس» ترماغی ده هم تعقیب قیلینگ!
اونینگ ایتیشیچه: «اوشبو مبارک کونلرده فرقلی فضا گواهی اېدیک؛ یشاوچیلر کوپ شوق و علاقه و برادرلیک فضاده فاریاب جاذبهلی جایلرنی یقیندن کوزهتدی.»
سیاحتچیلر کوپراق گرزیوان دمآلیش جایی، خواجهغار پارکی، شاهان وادیسی و زنگ وادیسی شرشرهلری، قیصار طبیعی منظرهلری، اصحاب کهف تاریخی مکانی و باشقه تاریخی جایلرینی یقیندن باریب کوزهتگنینی بیلدیرهدی، فاریاب معلومات و مدنیت باشلیغی شمسالدین محمدی.
عینحالده، فاریاب معلومات و مدنیت ریاستینینگ فرهنگ و سیاحتچیلر ایشلری بوییچه آمری محمدحسن نایل، اوشبو ولایت گه ایچکی و تشقی سیاحتچیلر کوپراق تشریف بویریشی اوچون قولیلیک یرهتیش گه سعی-حرکت قیلماقدهلیکلرینی اېتهدی.
بیزلرنینگ فیسبوک صحیفهمیزگه باش اورینگ!
اونگه کوره: «ایچکی و حتا تشقی مهمانلر اوچون قولیلیک یرهتیش گه سعی-حرکت قیلهیپمیز. فاریاب مملکت شمالیده سیاحتچیلر مکانیگه ایلنیشی اوچون یوقاری ظرفیت گه ایگه دیر.»
هر ییلی ایچکی و حتا تشقی سیاحتچیلر، فاریاب ولایتینینگ طبیعی جایلری، جاذبهلی و تفریحی مکانلرینی یقیندن کوریش اوچون بو ولایت گه سفر قیلیشلری اېتیلهدی.
