هرات ولایتی محلی مسئوللری، اۉتگن بیر هفته ایچیده، ۱۰۰ مینگدن آرتیق مهاجر اسلامقلعه چېگرهسی آرقهلی ایراندن هرات گه قیتگنینی معلوم قیلگنلر.
هرات معلومات و مدنیت باشلیغی و مهاجرلر ایشلری بوییچه علاقه و آگاهیلیک بیریش بولیم مسئولی احمدالله متقی، فقط اۉتگن ایککی کون ایچیده، ۶۰ مینگدن آرتیق مهاجر، ایراندن هرات قیتگنینی بیلدیرگن.
بیزلرنینگ «ایکس» ترماغی ده هم تعقیب قیلینگ!
شو بیلن بیرگه، هرات مهاجرلر ایشلری بوییچه باشلیغی آدمخان سعدنینگ ایتیشیچه، مملکت گه قیتگن مهاجرلر گه باش پنهقوریش اوچون ایککی مینگ ۵۰۰ جریب ییر اختصاص بیریلگن.
اونینگ کوپهیتیریشیچه، هر کونی قریب ۳۰۰ موتر تیکین شکلده مهاجرلرنی نهایی مقصدلریگه انتقال بیرهدی.
بیزلرنینگ فیسبوک صحیفهمیزگه باش اورینگ!
عینحالده، اسلام امیرلیگی تشقی ایشلر وزیرلیگی سرپرستی امیرخان متقی، اوتگن کون کابلده ایران ایلچیسی علیرضا بیکدلی بیلن اوچرهشووده، بو مملکتده افغانستانلیک قاچقینلر جبری چیقریلهیاتگنیدن خواطر بیلدیریب و اولرنینگ باسقیچمه-باسقیچ و ترتیبلی روشده چیقریلیشینی اېستهگن.
