افغانستان ده یاشلر کوپینچه اقتصادی و اجتماعی قیینچلیک‌لر گه دوچ بولگنی بیرحالده، کیچیک ساحه‌لرده تدبیرکارلیک اقتصادی و اجتماعی ترقیات‌نینگ اصلی عاملی صفتیده ایش فرصت‌لرینی یره‌تیش، کمبغل‌لیک‌نی کمه‌یتیریش و اجتماعی آسایشته‌لیکنی آشیریش‌ده مهم رول اوینه‌یدی.
یاشلر آرقه‌لی آز امکانیت و سرمایه بیلن کیچیک ساحه‌لرده ایش یره‌تیلیشی‌‌نینگ خلاقیت و محلی نیازلر بیلن مستقیم باغلیق بولگنی طفیلی، علیحده اعتبارنی اوزی گه قره‌تگن.
مذکور گزارش‌ده کیچیک ساحه‌لرده تدبیرکار آلتی ییگیت بیلن صحبت اوتکزیلگن که او‌لر‌نینگ سلام‌وطندار گه ایتیشلریچه، ایش فرصت‌لری یوقلیگی، مستقل ایشلش گه قیزیقیش، ایش بازاری نیازلری و مالی مستقل‌لیککه ایگه بولیش سبب، کیچیک ساحه‌لرده تدبیرکارلیک فعالیت‌لری گه باشله‌گنلر.
بیزلرنینگ فیسبوک صحیفه‌میزگه باش اورینگ!
ایکینچیلیک بولیمی‌نی بیتیریب، بیراق قوریلیش ساحه‌سیده قوریلیش مدل‌لرینی توزه‌تیش بیلن تدبیرکارلیک فعالیت‌لرینی قیله‌دیگن سبحان‌الله درانی‌نینگ ایتیشیچه، بو ساحه‌ده بیش ییل‌دن بیری ایش بیلن شغللنیب و آی‌ده ۳۰۰-۱۰۰۰ دالر درآمدی بار.
اونینگ کوپه‌یتیریشیچه: «بیش ییل‌دن بیری بو بولیم‌ده یالغیز فعالیت قیله‌من. صفردن باشله‌دیم. ایش‌گه یره‌مه‌گن نرسه‌لردن هر نرسه توزه‌تیش گه حرکت قیلدیم. ۷۰-۸۰ دن آرتیق لایحه‌نی یکونلنتیردیم.»
۲۰۲۳-ییل‌دن بویان تقینچاقلرنی دیزاین قیله‌دیگن ۲۰ یاشر نرگس‌نینگ ایتیشیچه، بو ایش بیلن مالی مستقل‌لیککه ایریشه آلگن. «ایکی ییل مالی مستقل‌لیککه ایریشیش اوچون سعی‌وحرکت قیلدیم. هیچ کیم‌گه قولیم اوزه‌لمه‌سین و اوزیم بیر نرسه توزه‌تیش‌نی ایسته‌ر ایدیم. اجتماعی ترماق‌لرنی کوریب و اولر ایش قیله آلسه مین هم قیله آله‌من دیه‌ردیم.»
باشقه بیر تاماندن، بلخ ولایتی یشاوچیسی بولمیش ۳۲ یاشر زلیخا‌نینگ ایتیشیچه، ۱۷ یاشرلیک‌دن آرایشگرلیککه باشله‌ب و حاضرگچه بو یول آرقه‌لی قولگه کیلتیرگن درآمددن فایده‌لنیب، ایناغه‌سی بیلن بنا قوریش کمپنیه‌سی‌گه شریک بولگن. اونینگ کوپه‌یتیریشیچه: «بو فعالیت آرقه‌لی قولگه کیلتیرگنیم درآمددن فایده‌لنیب، ایناغه‌م بیلن بنا قوریش کمپنیه‌سی‌گه شریک بولدیم و حاضر همکار‌میز.»
سونگی اوچ ییل جریانیده آز سرمایه بیلن بیر سوپرمارکیت آچگن بغلان یشاوچیسی تاج‌الدین‌نینگ ایتیشیچه، حاضر بو مارکیت اونینگ اوچون دواملی درآمد منبع‌سی‌گه اوزگرگن. «۱۴۰۱-ییل‌ده قصبه گه کیلدیم و بو ییرده سوپرمارکیت آچیب و ایش‌گه باشله‌دیم.»
شونینگدیک هرات ده آنلاین صراف‌لیک ساحه‌سیده ایش‌گه باشله‌گن ۲۵ یاشر شبنم و خوست ده آنلاین تجارت‌گه باشله‌گن وزیر‌الله‌نینگ ایتیشلریچه، اوشبو فعالیت‌لر اولر‌گه ینگی ایش فرصت‌لرینی یره‌تیب و مالی مستقل‌لیککه ایریشگنلر.
شبنم‌نینگ کوپه‌یتیریشیچه: «۳ مینگ افغانی بیلن ایش‌گه باشله‌دیم و شو رقم سرمایه‌م‌نی ۸-۱۰ مینگ گه ییتیشتیره آلدیم.»
وزیرالله، قیینچیلیکلر گه قره‌مه‌ی و سعی‌وحرکت قیلگنی نی بیان قیلیب، کوپه‌یتیریشیچه: «قیینچیلیکلر بولگنی بیلن، بیراق تجارت‌گه باشله‌دیم. بو یول‌ده ایشلریم کوپ یخشی آلغه کیتگن و خورسند‌مین.»
ییگیت‌لر‌نینگ ایشله‌شی سعی‌وحرکت، ایجاد‌کارلیک، فرصت‌لردن فایده‌لنیش و قیینچیلیکلر گه قرشی کوره‌ش بیلن، توسیق‌لیکلر گه قره‌مه‌ی و موفقیت‌لیککه ایریشیش ممکن‌لیگی‌نی کورسته‌دی.
بیزلرنینگ «ایکس» ترماغی ده هم تعقیب قیلینگ!
شونده‌ی بیرحالده، سرپرست حکومت معلومات و مدنیت وزیرلیگی سوزلاوچیسی خبیب غفران‌نینگ ایتیشیچه، اوشبو وزیرلیک ییگیت‌لر ظرفیتی آشیشی مقصد بیر قطار برنامه‌لرنی اوتکزیب و ایش فرصت‌لری یره‌تیلیشی اوچون سعی‌وحرکت قیله‌دی.
جناب غفران‌نینگ کوپه‌یتیریشیچه: «کابل، هرات، بلخ، قندهار، ننگرهار و قندوز ده ییگیت‌لر اوچون مسلک اورگه‌تیش برنامه‌لری‌نینگ دوامی بار و مذکور مرکزلرده ییگیت‌لر ایش اورگه‌نیش بیلن شغللنگن. شونینگدیک اوشبو وزیرلیک ییگیت‌لر اورین‌باسرلیگی‌نینگ برنامه‌لریدن باشقه بیری تجارت اسلوب‌لرینی اورگه‌تیش دیر که ییگیت‌لر بیلن بو توغریده ایشلنه‌دی.»
سونگی ییل، یاشلردن قطاری تدبیرکارلیک فعالیت‌لری و کیچیک تجارت‌لرگه باشلش بیلن اوزلری گه ایش فرصت‌لرینی یره‌تیب و بو یول آرقه‌لی اقتصادی قیین‌چیلیکلریدن بیر بولیمی‌نی حل قیله آلگنلر.
