اسلام امیرلیگی تشقی ایشلر وزیرلیگینینگ مالی و اداری اورینباسری محمد نعیم، افغانستان ده بیرلشگن ملتلر تشکیلاتینینگ اورینباسرلیک هیئت ادارهسی (یوناما) باشلیغی روزا اوتونبایوا بیلن اوچرهشیب و مملکت گه قیتگنلرنینگ نیازلری حقیده صحبت قیلگن.
تشقی ایشلر وزیرلیگی سوزلاوچیسی اورینباسری ضیااحمد تکل، (۳-جوزا، شنبه)، اکس صحیفهسیده یازیشیچه، اوشبو اوچرهشووده ایکی تامان تورلی موضوعلر جملهدن قیتگن قاچقینلر اوچون دستلبکی آسایشتهلیکلر تامینلنیشی توغریسیده صحبت قیلگنلر.
بیزلرنینگ فیسبوک صحیفهمیزگه باش اورینگ!
مذکور ییغیلیشده محمد نعیمنینگ ایتیشیچه: «اسلام امیرلیگی مملکتده یاردم بیرووچی نهادلر فعالیتی اوچون نیاز بولگن امکانیتلرنی یرهتگن و هر قندهی قیینچیلیک چیققنی صورتده، قوشمه سعیوحرکتلر آرقهلی اونینگ حل قیلینیشی اوچون اقدام بولیشی ممکن.»
شونینگدیک او، یونامادن مملکت گه قیتگنلر اوچون حیاتنینگ دستلبکی آسایشتهلیکلری تامینلنیشیگه دوام بیریشینی ایستهگن.
تشقی ایشلر وزیرلیگینینگ بیانیهسی اساسیده، روزا اوتونبایوانینگ ایتیشیچه، مملکت گه قیتگن قاچقینلر اوچون حیاتنینگ دستلبکی نیازلرینی تامینلشگه علاوه، شونینگدیک اولرگه مناسب ایش فرصتلرینی یرهتیش گه سعیوحرکت قیلماقده.
بیزلرنینگ «ایکس» ترماغی ده هم تعقیب قیلینگ!
شونینگدیک بوندن آلدین، قاچقینلر وزیرلیگی و اسلام امیرلیگینینگ باشقه رسمیلری، نیچه مرته مملکت گه قیتگن قاچقینلر قیینچیلیگی حلی اوچون خلقارا همجمعیتدن یاردملرینینگ کوپهیتیریشلرینی ایستهگن.
ایتیش کیرهک که، سونگی آیلرده ایران و پاکستان دن افغانستانلیک قاچقینلر چیقریلیش پروسهسی کوچهیگن دیر.
