تخار ولایتی خواجهبهاءالدین تومنی مهاجر قیشلاق آواره‌لری، حاضرگی تیریکچیلیک احوال‌لریدن نالیماقده‌لر. مذکور قیشلاق آواره‌لری نینگ ایتیشلریچه، اسلامی امارت کوچلری تامانیدن زوردن یشش اوی‌لریدن چیقریلگندن کیین، امکانیت‌لری یوق‌لیگی اوچون آچیق هوا ده چادر قورگنلر.
اولر کیچه_کوندوزنی نیچه تخته یوغاچ، پلاستیک و بوریا دن توزه‌لگن اوشبو چادرلر آستیده کیچیریشگه مجبور قالگنلر.
مهاجر قیشلاق دن آواره بولگن تخمیناً ۲۰۰ عایله، نادارلیک و یشش اوی اجاره‌سینی توله‌ی آلمسلیک اوچون خواجهبهاءالدین تومنی لاله‌گذر چولی «ملک‌آباد» ده چادر قوریب قرانغولیک، آچیلیک و باشقه تورلی خیل قیینچیلیکلر بیلن کیچه‌نی کوندوز و کوندوز نی ایسه کیچه قیله‌دیلر.
بیزلرنینگ فیسبوک صحیفه‌میزگه باش اورینگ!
مهاجر قیشلاق دن آواره بولگن باشقه قریب ۱۰۰ عایله که اقتصادیات‌لری نسبتن یخشی، بیر قطاری اجاره اوی‌لر و باشقه بیر قطاری ایسه قرینداش‌لری نینگ اوی‌لری ده حیات کیچیریشماقده؛ البته اولر نینگ هم احوالی اونچه‌لیک یخشی ایمس دیر. ۱۰ کیشی‌لیک عایله‌لردن بعضی‌لری بیر اتاق ده تیریکچیلیک قیلماقده.
لاله‌گذر چولیده چادر قورگن مهاجر قیشلاق آواره‌لریدن بیرقطاری، نادارلیک و باشقه بیر قطاری ایسه ایرکک سرپرستی یوق‌لیگی طفیلی، اوشبو کونلر فرزندلری نینگ قارنینی تویغازیش گه قادر ایمس‌لر و یوق‌لیکلری گه چیده‌ش گه مجبورلر؛ لیکن انده-سنده آچلیک باعث فرزندلری نینگ تینیمسیزلیگی اولر نینگ بو قیینچیلیگینی آغیرلشتیره‌دی.
مهاجر قیشلاق آواره‌لریدن بی‌بی‌لیلا نینگ ایتیشیچه، اوتمیش ده بار امکانیتینی یشش اوی قوریش اوچون صرفله‌گن؛ بیراق حاضر یشش اوی‌لریدن چیقریلگن، نادارلیک باعث حاضر اجاره اوی آله آلمه‌یدی و شونینگدیک اسلامی امارت تامانیدن آواره‌لر گه بیریلگن ییرده باش پنه قوریش گه کوچی یوق دیر. او اسلامی امارت دن یاردم بیرووچی مؤسسه‌لر یاردمی بیلن آواره‌لر گه باش پنه قوریش‌نی طلب قیله‌دی.
مهاجر قیشلاق آواره‌لریدن رحمت‌الله نینگ ایتیشیچه: «قیش عرفه‌سی و مُلک ویران‌لیگیده، برچه‌نی آواره قیلدیلر. اوزیم ۱۰ عایله اعضام بیلن ویرانه بیر مسجد ده قیینچیلیک بیلن تیریکچیلیک قیلماقده میز. مینی تیریکچیلیگیم هیچ فرهنگ گه سیغمه‌یدی. مین کبی باشقه ۳۱۷ عایله بونده‌ی حالتده حیات کیچیرماقده.»
بیزلرنینگ توییترده هم تعقیب قیلینگ!
مهاجر قیشلاق آواره‌لریدن باشقه بیری عایشه-مستعار اسم نینگ ایتیشیچه: «یشش اوی‌لریمیزدن چیقرگن‌لریدن نیچه کون اوتماقده، باشقه‌لر نینگ اویینی اجاره آلیش توانیمیز یوق. خیمه قوریش گه مجبور بولدیک.»
شونینگدیک مهاجر قیشلاق آواره‌لریدن باشقه بیری زیباگل گه کوره: «ایناغم کوپ عذاب چیکدیک؛ کتته فرزندیمیز یوق کیکسه ایریم بار قیین‌لیک بیلن اوی قورگندیک. حاضر نیمه قیله‌یدیک؟ ناقل‌لر بو احوال‌نی اوستیمیز گه کیلتیردی. حاضر ییگولیک هیچ نرسه‌میز یوق؛ باله‌لریمیز آچ دیر.»
آواره‌لردن باشقه بیر عیال نینگ ایتیشیچه: «یشش اوی و جایی‌میز بار ایدی، ۳۰ ییل دن آرتیق تیریکچیلیک قیلدیک، اوز اویی‌میزده ایدیک، کیلیب بیزنی چیقردیلر ۳ آی دن بویان دربه‌در بولگنمیز.» او نالیب کوپه‌یتیریشیچه: «اسلامی امارت کوچلری کیلیب، حولی بیره‌میز، کییم-کیچک و ییگولیک ماده بیره‌میز دیب بیزنی قانیقتیردیلر. خیمه قوردیک کیلیب بیزنی خیمه‌لریمیزنی چپه قیلیشدی. اوی اجاره آلیش گه پولیمیز یوق، خیمه قوریب یشش گه مجبور میز.»
مهاجر قیشلاق یشاوچیلری نینگ آواره بولیشیدن اوچ آی دن کوپ اوتماقده، اولردن بیرقطاری هلیگچه باش پنه تاپه آلمه‌گنلر؛ قیش عرفه‌سیده ییگولیک و یاقیلغی ماده‌لری یوق‌لیگی، اولر نینگ تشویشینی نیچه برابر آرتیرگن.
