خلق‌ارا چیگره‌سیز ژورنالیست‌لر تشکیلاتی «RSF»، اوتگن کون بیر اعلامیه ترقه‌تیب، افغانستان ده عیال خبرچیلر برابریده بولگن چیکلاولر کوپه‌یگنی‌دن خواطر بیلدیرگن.
بو تشکیلات تامانیدن ترقه‌تیلگن اعلامیه نینگ بیر بولیمیده کیلیشیچه: «افغانستان نینگ جنوب‌شرقی قسمیده جایلشگن خوست ولایتیده پولیس باشلیغی، عیال‌لر نینگ رادیو و تلویزیون دستورلریگه قونغیراق قیلیشینی تقیق‌لگن. اسلام امیرلیگی عیال ژورنالیست کییمی خصوصیده هم چیکلاو یره‌تیب، اولرگه یالغیز قاره کییم‌گه بولیش‌لرینی بویورگن.»
شوندی بیرحالده، کابل ده‌گی خبرچی عیاللردن قطاری سلام‌وطندار بیلن اوتکزگن صحبت‌لریده، ایریم خبری ییغین‌لرگه باریش اوچون اولرگه رخصت بیریلمسلیگی همده اطلاعات‌گه قوله‌یلیک بیلن قول تاپه‌آلمسلیک‌لرینی، ایشلری برابریده‌گی جدی توسیق‌لیکلردن دیب عنوان قیله‌دیلر.
بیزلرنینگ فیسبوک صحیفه‌میزگه باش اورینگ!
کلید رادیوسی نینگ خبرچیسی هاجر گه کوره، ایش خوفسیزلیگی یوق‌لیگی، اقتصادی قیینیچلیکلر و اطلاعات‌گه قول تاپه‌آلمسلیک نی، ایشی برابریده بولگن جدی قیینچیلیکلردن بیله‌دی.
او معلومات و مدنیت وزیرلیگی‌دن خبرچیلر قیین‌چیلیگی حل بولینیشی نی ایسته‌گن. «بیزگه جواب بیریش اوچون رسمی‌لر تیار بولمه‌یدی اگرده بیران معلومات‌نی هم بیز بیلن شریک قیلسه‌لر اوزلرینی خواهله‌گن معلومات‌نی بیره‌دیلر و بیز ایسته‌گیمیزگه اساس معلومات بیریلمه‌یدی.»
شونینگدیک، نور تلویزیونی نینگ خبرچیسی ستاره قادری نینگ ایتیشیچه، ایریم خبری ییغین‌لرگه باریش اوچون اولرگه رخصت بیریلمه‌یدی. «عیال ژورنالیست‌لرنی ایریم خبری ییغین‌لرگه حضوری آلدی آلینه‌دی، بیز حکومت‌دن خواهله‌یمیز بیزنی ایشیمیز اوچون یخشی زمینه یره‌تیلسین.»
بیراق معلومات و مدنیت وزیرلیگی مسئوللری نینگ ایتیشلریچه، اوشبو وزیرلیک ییتکرمه‌لر ایشلاوچیلری قیین‌چیلیک‌لری نی حل قیله‌دی.
مذکور وزیرلیک نینگ نشراتی ایشلری بوییچه اورین‌باسری حیات‌الله مهاجر فراهی نینگ ایتیشیچه، افغانستان ده ییتکرمه‌لر ایشلاوچیلری امر بالمعروف و نهی عن‌المنکر وزیرلیگی توصیه‌لریگه دقت قیلیش‌لری کیره‌ک.
معلومات و مدنیت وزیرلیگی نشراتی ایشلری بوییچه اورین‌باسری نینگ کوپه‌یتیریشیچه: «ییتکرمه‌لر ایشلاوچیلری حجاب‌نی نظرگه توتیشلری کیره‌ک و همده اولر امر بالمعروف و نهی عن‌المنکر وزیرلیگی تامانیدن بیریلگن توصیه‌لریگه دقت قیلسینلر.»
شونده‌ی بیرحالده، افغانستان ایرکین خبرچیلر انجمنی مسئوللری نینگ ایتیشلریچه، حاضر هم افغانستان‌ده اطلاعات‌گه قول تاپیش بوییچه قیینچیلیکلر بار.
بیزلرنینگ «ایکس» ترماغی ده هم تعقیب قیلینگ!
افغانستان ایرکین خبرچیلر انجمنی باشلیغی حجت‌الله مجددی، افغانستان سرپرست حکومت‌دن خبرچیلر نینگ معلومات گه قول تاپیشلری کوپه‌یتیریلیشی نی ایسته‌گن.
مجددی نینگ ایتیشیچه: «عیال‌لر و ایرکک‌لر ییترلیچه اطلاعات‌گه قول تاپالمه‌یدی و بیزنی ایسته‌ک‌میز همده سعی و حرکت‌میز شو دیر که مذکور قیینچیلیکلر حل ایتیلسه.»
ایتیش کیره‌ک که، بیرلشکن ملتلر تشیکلاتی هم اوتگن سه‌شنبه کونی افغانستان‌ده عیال خبرچیلر وضعیتی خصوصیده بیر ییغین اوتکزگن ایدی. اوشبو ییغین گه شرکت قیلگنلر افغانستان ده عیال‌لر خبرچیلردن حمایت قیلیش گه تاکید قیلگنلر.