اسلام امیرلیگی امر معروف و نهی منکر وزیرلیگی، بلخ ولایتیده ایکی سحرگر حبس گه آلینگنینی بیلدیرگن.
اوشبو وزیرلیک، ۵-عقرب، دوشنبه کونی ایکس صحیفهسیده بیر بیانیه ترقهتیب، بو سحرگرلرنی بلخ یشاوچیلرینینگ شکایتلریدن سۉنگ اوشبو ولایت مرکزی مزارشریف شهریدن حبس گه آلگنلرینی معلوم قیلگن.
امر معروف و نهی منکر وزیرلیگی گه کوره، بو ایکی کیشی سحرگرلیک قیلیش پیتیده برچه سحرگرلیک نرسهلری بیلن حبس گه آلینگن.
اوشبو وزیرلیکنینگ بیانیهسیده شوندهی کیلگن: «دستلبکی تېکشیروولر شونی کورستهدی کی، بو ایکی سحرگر آدملرنی الدهب، عایلهلردن کتته مقدارده پول آلگن.»
بیانیهده، حبس گه آلینگن سحرگرلر شرعی تحقیق اوچون عدلی و قضایی ادارهلر گه تاپشیریلگنی کیلگن.
امر معروف و نهی منکر وزیرلیگی افغانستان بویلب سحرگرلیک فعالیتینی تقیقلب، بو ایشنی عملگه آشیرگن شخص حبس گه آلینیب، محکمه گه تانیشتیریلیشی حقیده آگاهلنتیرگن.
