اسلام امیرلیگی ایش و اجتماعی ایشلر وزیرلیگی سرپرستی عبدالمنان عمری، کابل‌ده روسیه ایلچیسی و هیئتی بیلن اوچره‌شووده، بو مملکت گه افغانستان‌لیک ایشلاوچی یوباریش اوچون یاردم بیریش‌لرینی سوره‌گن.
ایش و اجتماعی ایشلر وزیرلیگی ۳-دلو، چهارشنبه کونی ایکس صحیفه‌سیده بیر بیانیه ترقه‌تیب، اوشبو وزیرلیک سرپرستی عبدالمنان عمری، کابل‌ده روسیه فدراتیفی ایلچیسی دیمتری ژیرنوف و بو مملکت‌نینگ اقتصادیات و سودا ایشلری بوییچه مصلحتچیسی نیکولای ساژنوف باشچیلیگیده‌گی هیئت بیلن اوچره‌شگنیدن خبر بیرگن.
بیزلرنینگ فیسبوک صحیفه‌میزگه باش اورینگ!
مذکور وزیرلیک‌نینگ کوپه‌یتیریشیچه، بو اوچره‌شووده عبدالمنان عمری، تورلی ساحه‌لر اینیقسه اقتصادیات و سودا بوییچه افغانستان و روسیه مناسبتی مستحکم‌لنیش مسئله‌سی گه قۉشیمچه، بو مملکت گه افغانستان‌لیک ایشلاوچی یوباریش اوچون همکارلیک قیلیش‌لرینی سوره‌گن.
شونینگدیک عمری جنابلری، افغانستان‌نینگ ایکینچیلیک محصولاتی روسیه بازارلریده ساتیلیشی اوچون امکانیت یره‌تیلیشی گه تأکید اېتگن.
کابل‌ده روسیه فدراتیفی ایلچیسی دیمتری ژیرنوف، کابل و مسکو اورته‌سیده‌گی سودا آلیش-بیریش مقداری کوپه‌یب و بو همکارلیک‌نی کېنگه‌یتیریش اوچون سعی-حرکت قیلیش وعده‌سینی بیرگن.
بیزلرنینگ «ایکس» ترماغی ده هم تعقیب قیلینگ!
شونینگدیک او، افغانستان‌ده تورلی ساحه‌‌لرده سرمایه یاتقیزیش اوچون روسیه سرمایه یاتقیزووچیلرینی ترغیب قیلیش یانیده، افغانستان سوداگرلری گه قولی‌لیک یره‌تیش اوچون سعی-حرکت قیلیشینی اېتگن.
روسیه، دنیانینگ باشقه مملکتلری کبی، اسلام امیرلیگینی حاضرگه قدر تن آلگن بولمسه‌ده، اوچ ییل‌دن کوپراق‌دن بیری، اسلام امیرلیگی بیلن یخشی مناسبتی بولگن مملکتلردن سنله‌دی.
