اسلام امیرلیگی عدلیه وزیرلیگی سوزلاوچیسی برکتالله رسولینینگ اعلام قیلیشیچه، کابل شهریده اویلر اجارهسی کنترول بولیشی اوچون عملی اقداملر باشلهنیب و بو موضوعلر تیکشیریلیشی اوچون ساحهوی نظارت گروهلری توزهتیلگن.
او، بوگون (چهارشنبه، ۱۹-سنبله)، اکس صحیفهسیده بیر بیانیه آرقهلی یازیشیچه، توزهتیلگن ساحهوی گروهلرنینگ ترکیبیده عدلیه، اوی-جای قوریش و شهرسازلیک، امنیه قوماندانلیگی، استخبارات، بلدیه وزیرلیکلری و تیگیشلی باشقه ادارهلر نمایندهلری شامل دیر.
بیانیهده کیلیشیچه: «برچه سودا قوللنمه دفترلری اویلرنینگ بیلگیلنگن کرایهدن بلندراق قیلیب اجارهگه بیرمسلیککه مجبورلر؛ موظف تیملرگه هم بو موضوعنینگ جدی شکلده تیکشیریشلری توغریسیده بویروغ بیریلگن.»
عدلیه وزیرلیگی سوزلاوچیسینینگ کوپهیتیریشیچه، یشش اویلر و سودا قوللنمه دفترلری ایگهلری اوی اجارهسینی ۱۴۰۳-ییلگه نسبت ۱۰ فایزدن آشیرمسلیکلری کیرهک و بو ایشنی قیلگنلری صورتده، متخلفلر بیلن قانونی یاندهشیلیشی ممکن.
شونینگدیک نیچه مدت آلدین عدلیه وزیرلیگی، اویلر کرایهسینی کنترول قیلیش اوچون مخصوص بیر کمیته ایجاد قیلگنینی اعلام قیلگن ایدی. قوشنی مملکتلردن قاچقینلرنینگ قیتگنیدن کیین، کابل شهریده اوی-جای توغریسیده ایستهکلر کوپهیگن.
