سرپرست حکومت ایچکی ایشلر وزیرلیگی سۉزلاوچیسی عبدالمتین قانع، یېتکرمه‌لر گه امریکا قۉشمه ایالتلری اوشبو وزیرلیک سرپرستی سراج‌الدین حقانی اوستیده‌گی مکافات‌نی بیکار قیلگنینی تصدیقله‌گن.
امریکا، سراج‌الدین حقانی حقیده معلومات‌نی شریک قیلیش اوچون ۱۰ میلیون دالر مکافات تعیین قیلگن اېدی.
بیزلرنینگ فیسبوک صحیفه‌میزگه باش اورینگ!
ایچکی ایشلر وزیرلیگی سۉزلاوچیسی گه کوره، عبدالعزیز حقانی و یحیا حقانی اوستیده‌گی بیش میلیون دالرلیک تعیین‌لنگن مکافات هم، بیکار قیلینگن.
امریکا رسمی‌لری و بو مملکت یېتکرمه‌لری، بوتوغریده حاضرگه قدر فکر-ملاحظه بیلدیرمه‌گن.
بیزلرنینگ «ایکس» ترماغی ده هم تعقیب قیلینگ!
حاضر «عدالت اوچون مکافات» وبسایتیده، نیچه آی آلدین افغانستان پایتختی کابل‌ده خودکش هجوم طفیلی هلاک بولگن قاچقینلر وزیرلیگی‌نینگ سابق سرپرستی خلیل‌الرحمان حقانی‌نینگ آتی کوریله‌دی. امریکا تشقی ایشلر وزیرلیگی‌نینگ «عدالت اوچون مکافات» ریجه‌سی، خلیل‌الرحمان حقانی حقیده معلومات اوچون بیش میلیون دالر مکافات تعیین قیلگن اېدی.
