سۉنگی کونلرده مملکتنینگ تورلی حدودلریده قانلی ترافیکی حادثهلر یوز بیرگنیدن کېین، ایچکی ایشلر وزیرلیگی یشاوچیلردن اونگ قولده باشقریلهدیگن (بیرکلید) موتر ساتیب آلمهی و بوندن سۉنگ کابل شهریدهگی بو موترلر گه وقتینچهلیک استیکر بیریلیشی تقیقلنگنیدن خبر بیرگن.
اوشبو وزیرلیک، بوگون (۸-سنبله، شنبه) ایکس صحیفهسیده بیر بیانیه ترقهتیب، بو حقده خبر بیرگن.
بیانیه گه کوره، ثبت و استیکری بولمهگن بوتون موترلر، ایچکی ایشلر وزیرلیگینینگ بیانیهسی ترقهلگچ، کابلدن ولایتلرگه انتقال بیریلیب و ایگهلری ولایتلرده پولیس ترافیک مدیریتلریگه مراجعت قیلیب و موترلرینی ثبت و اولرگه استیکر آلیشلری کېرهک.
ایچکی ایشلر وزیرلیگینینگ بیانیهسیده، قانونی حجتی بولمهگن اونگ قولده باشقریلهدیگن موترلرنینگ پایتخت گه آلیب کیلینیشی قطعی تقیقلنگنی قید ایتیلگن.
بیانیه گه کوره، هر ولایتده استیکر آلگن موتر فقط اوشه ولایتده قتنب و باشقه ولایتلرده باریب-کیلیشی گه ایزین بیریلمهیدی.
ایچکی ایشلر وزیرلیگی، یشاوچیلردن اونگ قولده باشقریلهدیگن موترلرنینگ ثبت و رویخط گه کیریتیش اوچون کابل گه مراجعت قیلمسلیکلرینی ایستهگن.
ایچکی ایشلر وزیرلیگی، اونگ قولده باشقریلهدیگن موترلرنینگ افغانستان گه آلیب کیلینیشی و قتنهشینی بو مملکتنینگ ترافیکی قاعدهلریگه ضد دیب اتهگن.
بو وزیرلیک، یقینلرده اوشبو موترلرگه باشقه چېکلاولر هم جاری قیلینیشی حقیده آگاهلنتیرگن.
