معلومات و مدنیت وزیرلیگی، خلقارا ییتکرمهلر ایرکینلیک کونی مناسبتی بیلن ایتیشیچه، اسلام امیرلیگی ییتکرمهلرنینگ جمعیتدهگی اورنی و اهالینی خبردار قیلیشدهگی رولی، یشاوچیلر و دولت آرهسیدهگی علاقهنی مستحکملش گه ایشانهدی.
اوشبو وزیرلیک سوزلاوچیسی خبیب غفراننینگ بوگون (۱۳-ثور، یکشنبه)، ایتیشیچه، معلومات و مدنیت وزیرلیگی افغانستان ده معلومات گه قول تاپیش جریانینی یخشیلش و ییتکرمهلرنی قوللب-قوتلشگه متعهد دیر.
اونینگ کوپهیتیریشیچه: «ییتکرمهلردن برچهسیدن مسئولیتلرینینگ قاعده-قانون، افغانستاننینگ دینی و فرهنگی ارزشلری، اسلام امیرلیگی نشرات سیاستی و اهالینینگ شخصی مسئلهلرینی سقلش دایرهسیده، تنظیم قیلیشلرینی ایستهیمیز.»
معلومات و مدنیت سوزلاوچیسیگه کوره، اوتگن قویاش ییلده ییتکرمهلردن حمایت قیلیش اوچون ۱۴۴ ییتکرمه گه فعالیت جوازی بیریلگن.
بو بیلن بیرگه، افغانستان ده بیرلشگن ملتلر تشکیلاتینینگ اورینباسر هیئت ادارهسی (یوناما)، تینچلیکنینگ اساسی بولیملریدن بیری صفتیده، سوز ایرکینلیگی و خبرچیلرنینگ سقلهنیشیگه تاکید قیلگن.
۳-می ۱۹۹۳-ییلده، بیرلشگن ملتلر تشکیلاتینینگ عمومی مجمعسی آرقهلی ییتکرمهلر ایرکینلیگی اهمیتی توغریسیده آگاهیلیک بیریش همده سوز ایرکینلیگی حرمتیگه دولتلر سوزینی ایسلهتیش مقصد، خلقارا ییتکرمهلر ایرکینلیک کونی صفتیده ناملنگن.
