میکروب گه قرشی کوره‌ش خلق‌ارا هفته‌سی کونی یکونیده، سرپرست حکومت ساغلیق‌نی سقلش وزیرلیگی مسئوللری، مملکت‌ده دارولرنی اۉز باشیمچه‌لیک و ترتیب‌سیز استعمال قیلیش کوپه‌یشی، دارولرنینگ تأثیرسیز بولیشی و میکروب‌لرنینگ دارولر برابریده چیده‌ملیگی بولیشی گه سبب بولگنینی اېته‌دیلر.
اولر گه کوره، تورلی کسل‌لیکلرنی انیقلش اوچون امکانیت یوق‌لیگی، شفاکارلرنینگ یخشی انیقله‌ی آلمسلیگی، اهالی‌نینگ دارولردن قنده‌ی استعمال قیلیش حقیده آگاهی‌سیزلیگی، دنیا مقیاسیده اینیقسه افغانستان‌ده دارولرنینگ تأثیرسیز بولیشی گه سبب بولگن.
بیزلرنینگ فیسبوک صحیفه‌میزگه باش اورینگ!
ساغلیق‌نی سقلش وزیرلیگی‌نینگ معالجوی طب عمومی باشلیغی وحدت الکوزی گه کوره، دنیا مقیاسیده هر ییلی ۱.۲ میلیون کیشی دارولرنینگ تأثیرسیز بولگنی اوچون اۉز جانلرینی قولدن بیره‌دیلر.
اونینگ کوپه‌یتیریشیچه: «افغانستان‌ده کتّه معما دیر و سببی هم میکروب‌لرنینگ دارو برابریده مقاومتی کوپهیگن، دارو قوللنه‌دیگن و داروخانه‌لر دارولرنی تشخیص قیله آلمه‌یدیلر بو اېسه دارولرنینگ تأثیرسیز بولیشی گه سبب بولگن.»
مملکت معالجوی طب عمومی باشلیغی‌نینگ کوپه‌یتیریشیچه، مملکت‌ده بو قیینچیلیک حل اېتیلیشی اوچون، بو ریاست ساغلیق بولیمیده ۵۰ بنددن عبارت پروتوکل توزگن.
بیزلرنینگ «ایکس» ترماغی ده هم تعقیب قیلینگ!
اوشبو پروتوکول اساسیده، هر بیر کسل اوچون مسلکی شفاکار تعیینلنیب و کسللر گه دارو خلق‌ارا معیارلر اساسیده بیریلیشی ممکن.
ساغلیق‌نی سقلش وزیرلیگی‌نینگ تشخیص قیلیش ایشلری بوییچه باشلیغی احمدناصر حنفی گه کوره، شفاکارلرنینگ کسل‌لیکنی انیقله‌ی آلمسلیگی و دارولر حقیده آگاهی‌سیزلیگی، میکروب‌لرنینگ دارو برابریده چیده‌ملیک اصلی عاملی سنله‌دی.
اونینگ ایتیشیچه: «دارولرنینگ ترتیب‌سیز استعمال قیلینیشی اولرنینگ تأثیرسیز بولیشی و مکیروب‌‌نینگ دارولر برابریده چیده‌ملی بولیشی گه سبب بوله‌دی.»
ساغلیق‌نی سقلش وزیرلیگی‌نینگ تشخیص قیلیش ایشلری بوییچه باشلیغی، خلق‌ارا ساغلیق‌نی سقلش تشکیلاتی افغانستان ساغلیق سکتوری گه کسللرنی انیقلش زمانه‌وی اوسکونه بیریشی ممکن دیېدی.
