اسلام امیرلیگی ساغلیقنی سقلش وزیرلیگینینگ اعلام قیلیشیچه، افغانستان ده بالهلر آرهسیده قیزهمیق کسللیگی آشگنی حقیده چیگره تانیمس شفاکارلر تشکیلاتینینگ سونگی گزارشی ناتوغری دیر.
اوشبو وزیرلیک، اوتگن کون (۲۶-حوت، شنبه)، بیر بیانیه آرقهلی یازیشیچه، چیگره تانیمس شفاکارلر تشکیلاتی افغانستان اهالیسی آرهسیده بیمورد خواطرلر یرهتیلیشیگه سبب بولمسلیگی اوچون گزارشلرینی حقیقت اساسیده تقدیم قیلیشی کیرهک.
بیزلرنینگ فیسبوک صحیفهمیزگه باش اورینگ!
بیانیهده کیلیشیچه: «اوتگن ییلده بو کسللیکدن ثبت بولگن واقعهلر، وقتیده دوالنگن؛ حاضر تورلی ساغلیق نهادلر تامانیدن قیزهمیق برابریده منظم مبارزهلرنینگ دوامی بار.»
ساغلیقنی سقلش وزیرلیگینینگ کوپهیتیریشیچه، سونگی ییللرده قیزهمیققه قرشی کورهش توغریسیده اونملی اقداملر صورت تاپیب و بو کسللیککه قرشی ایملش کمپاینلری هم اوتکزیلگن.
بیزلرنینگ «ایکس» ترماغی ده هم تعقیب قیلینگ!
مذکور وزیرلیککه کوره، جاری میلادی ییلده قیزهمیققه قرشی ایملش ملی کمپاینی اوتکزیلیب و بو کمپاینده اوشبو کسللیک برابریده ۱۶ میلیون بالهنینگ ایملنیشی ممکن.
چیگره تانیمس شفاکارلر تشکیلاتی، اوتگن هفته چهارشنبه کونی بیر گزارش ترقهتیش بیلن، هرات، بلخ و هلمند ده بالهلر آرهسیده قیزهمیق کسللیگیگه چلینیشنینگ اوچ برابر آشگنینی اعلام قیلگن. بو تشکیلات گه کوره، مذکور اوچ ولایتدن هر بیریده کونده قیزهمیققه چیلینیش طفیلی بیر باله اولهدی.
