اسلام امیرلیگی تشقی ایشلر وزیری امیرخان متقی، افغانستان ده بیرلشگن ملتلر تشکیلاتینینگ اورینباسرلیک هیئت ادارهسی (یوناما)، سرپرستی جورجت گانیون بیلن اوچرهشیب و دوحه جریانی توغریسیده صحبت قیلگن.
تشقی ایشلر وزیرلیگی، اوتگن کون کیچ قورون (۲۳-جدی/ ۱۳-جنوری، سهشنبه)، بیر بیانیه آرقهلی اعلام قیلیشیچه، مذکور اوچرهشووده افغانستان گه بیرلشگن ملتلر تشکیلاتی باش کاتبینینگ سیاسی اورینباسری روزمیری دیکارلو سفری حقیده هم صحبت بولگن.
اوشبو بیانیه اساسیده، ایکی تامان دوحه جریانی دایرهسیده خصوصی بولیمدن قوللب-قوتلش و بنگیوار مادهلرگه قرشی کورهش ایش گروهلرینینگ کیلهسی ییغیلیشلری و یوتوقلری همده تیگیشلی موضوعلر توغریسیده بحث قیلیب و فکر المشتیرگن.
امیرخان متقینینگ کوپهیتیریشیچه، اسلام امیرلیگی دوحه جریانینینگ ایش گروهلریده قانیقرلی یوتوقلرگه قول تاپگن؛ لیکن باشقه تامانلر ایسه بدیل تیریکچیلیک و بانک قیینچیلیکلری حل بولیشی توغریسیده یخشیراق نتیجهلرگه ایریشه آلمهگن.
یوناما سرپرستی جورجت گانیوننینگ اعلام قیلیشیچه، بیرلشگن ملتلر تشکیلاتی باشکاتبی سیاسی اورینباسری روزمیری دیکارلو، جاری آی یکونیده افغانستان گه سفر قیلیشی ممکن.
تشقی ایشلر وزیرلیگینینگ کوپهیتیریشیچه، ایکی تامان فایدهلی مذاکرهلرنی آلیب باریش اوچون همکارلیک و قوشمه هماهنگلیکنی آلدیندن کوپراق کوچهیتیریلیشی ضرورلیگیگه تاکید قیلگنلر.
