اسلام امیرلیگی اقتصاد وزیری دینمحمد حنیف، افغانستان ده بیرلشگن ملتلر تشکیلاتینینگ لایحهلر ادارهسی مسئولی و کابل ده جاپان ایلچیسی اورینباسری مایکیو ایزاوا بیلن اوچرهشگنیده، «ینگی کابل» ایچیملیک سوو تامینلهیدیگن لایحهنینگ قیته باشلنیشینی سورهگن.
اقتصاد وزیرلیگینینگ بوگون (۳۱-سنبله، دوشنبه)، بیر بیانیه آرقهلی اکس صحیفهسیده یازیشیچه، دینمحمد حنیف جاپاننینگ انسانسیورلیک یاردملریدن قدردانلیک قیلیش بیلن، ینگی کابل ایچیملیک سوو لایحهسینینگ اهمیتیگه تاکید قیلگن.
مذکور ییغیلیشده تشقی ایشلر وزیرلیگینینگ مالی و اداری اورینباسری محمد نعیم، کابل ده ایچیملیک سوو آستقورمهلرینینگ تیزلیک بیلن قوریلیشی ضرورلیگیگه تاکیدلب و جاپان دن، ینگی کابل ایچیملیک سوو لایحهسی قیته باشلنیشی اوچون اوز رضایتینینگ بیلدیریشینی ایستهگن.
بیانیه اساسیده، جاپان ایلچیسی اورینباسری، موضوعنی جاپان خلقارا همکارلیکلر ادارهسی و جاپان دولتیگه تیگیشلی نهادلر بیلن شریک قیلیشی توغریسیده سوز بیرگن.
۲۰۲۰-ییل دسمبر آییده ۲۴ میلیون دالر عوضیگه، خلقارا جاپان همکارلیکلر ادارهسی (JICA) آرقهلی تمویل بولیب و بیرلشگن ملتلر تشکیلاتینینگ لایحهلر ادارهسی تامانیدن عملگه آشیریلهدیگن ینگی کابل ایچیملیک سوو تامینلهیدیگن لایحه، شهرسازلیک و اوی-جای قوریش وزیرلیگیگه تیگیشلی بولیب و سونگی تورت ییل ایچیده توختهب قالگن.
