ملی مدافعه وزیرلیگی مسئوللری نینگ ایتیشلریچه، اوتگن بیر ییل‌ده خوفسیزلیک قیینچیلیک‌لر اوچون مملکت نینگ چیگره‌لریده برچه امکانیت و جهازلر بیلن ۶۰۰ ته پوسته قورگنلر.
اوشبو وزیرلیک مسئوللری، بوگون (یک‌شنبه، ۲۹-اسد)، «دولت نینگ ملت گه حساب بیریش» برنامه‌سیده کوپه‌یتیریشلریچه، چیگره کوچلری نی ۴۴ فایز کوپه‌یتیرگنلر.
مذکور برنامه‌ده ملی مدافعه وزیرلیگی نینگ اردو ستاد باشلیغی فصیح‌الدین فطرت نینگ ایتیشیچه، چیگره‌لر‌دن دفاع قیلیش و وقتیده تهدیدلر آلدی آلینیشی اوچون، بیر ییل‌ده دیورند چیزیغیده، ۲۸۸ کیلومتر سرک توزه‌تگنلر.
بیزلرنینگ توییترده هم تعقیب قیلینگ!
اونینگ کوپه‌یتیریشیچه: «خوفسیزلیک قیینچیلیک‌لر اوچون مملکت نینگ چیگره‌لریده برچه امکانیت و جهازلر بیلن، ۳۷ کمپ‌ده ۶۳ کندک، ۱۰۸ پایگاه و ۶۰۰ ته پوسته قورگنلر. چیگره کوچلر ۴۴ فایز کوپه‌یگن دیر.»
فطرت گه کوره، ملی مدافعه وزیرلیگی، بیر ییل‌گچه مملکت حربی کوچلری نینگ کوپه‌یتیریش اوچون، افغانستان کوچلری نی ۱۸۰ مینگ کیشی گه ییتیشتیریش خصوصیده برنامه‌سی بار.
اردو ستاد باشلیغی نینگ ایتیشیچه، اوتگن بیر ییل‌ده مدافعه وزیرلیگی تامانیدن هیچ قنده‌ی عملیاتی پروژه صورت تاپمه‌گن و کیشی‌لر و «مغرض گروه‌لر» فعالیتی نی زمینی کوچلر جواب بیرگنلر.
اونینگ کوپه‌یتیریشیچه: «داعش اسمی‌ده استخباراتی دستگاه‌لر بعضا فعالیت‌لر نی یولگه قویگنلر که، زمینی کوچلر اونینگ برابریده جواب بیرگن. عموما، افغانستان نینگ ناتینچ قیلیش اوچون، اوشبو مملکت کوپ دشمن گه ایگه دیر.»
بیزلرنینگ فیسبوک صحیفه‌میزگه باش اورینگ!
ملی مدافعه وزیرلیگی نینگ پالیسی و استراتژی معینی محمدقاسم فرید نینگ ایتیشیچه، ملی اردو ظرفیتی نی آشیریش اوچون، اسلام امیر‌لیگی کوچلری گه کیره‌کلی تعلیم‌‌لر بیریلیب و خذمت اوچون جذب بولگنلر.
اونینگ کوپه‌یتیریشیچه: «اوتگن بیر ییل‌ده، ۲۴ مینگ ۷۷۴ کیشی تعلیمی مرکزلر و مکتب‌لردن فارغ بولیب، ۵۰۰ ته‌سی حربی ملی اکادمیه‌سی و ۴۹۱ ته‌سی ایسه حربی مکتب گه تانیشتیریلگنلر.»
ملی مدافعه وزیرلیگی مسئوللری نینگ اورغولشیچه، حاضرگچه سکیزته تینچ اوچر و ۲۰ ته اوچاغ نی ترمیم قیلگنلر.