اسلام امیرلیگی مدافعه وزیرلیگینینگ اعلام قیلیشیچه، پاکستان حربیلری برابریده افغانستان چیگره کوچلرینینگ اوتگن کیچه اوتکزگن عملیاتی، پاکستان آرقهلی افغانستان حریمینینگ کیتمه-کیت نقض بولگنیگه جواب اولهراق عملگه آشیریلگن.
بیزلرنینگ فیسبوک صحیفهمیزگه باش اورینگ!
مذکور وزیرلیک، بوگون ایرتهلب اکس صحیفهسیده بیر بیانیه آرقهلی یازیشیچه، مذکور عملیاتده دیورند چیزیغی یقینیده پاکستان خوفسیزلیک کوچلرینینگ مرکزلری نشانگه آلینگن. «دیورند چیزیغی یقینیده پاکستان خوفسیزلیک کوچلرینینگ مرکزلریگه موفقیتلی انتقامی عملیات عملگه آشیریلدی؛ بو عملیات اوتگن کیچه ۱۲:۰۰ ده یکونلندی.»
ملی مدافعه وزیرلیگینینگ آگاهلنتیریشیچه، پاکستان ینه بیر مرته افغانستان حریمینی نقض قیلگنی صورتده، اسلام امیرلیگی آرقهلی «قاطع شکلده جواب» آلیشی ممکن.
بیزلرنینگ «ایکس» ترماغی ده هم تعقیب قیلینگ!
مذکور عملیات، اوتگن هفته پنجشنبه کیچه کابل شهرینینگ بیر قطار بولیملری و جمعه کونی ایرتنگ چاغی پکتیکانینگ برمل تومنی، پاکستان آرقهلی نشانگه آلینگنی بیرحالده عملگه آشیریلگن. پاکستان هجوملریدن کیین، اسلام امیرلیگی اونگه قرشی جواب بیریلیشینی معلوم قیلگن ایدی.
