اسلام امیرلیگی مدافعه وزیرلیگی، کابل و پکتیکا گه پاکستاننینگ هوا هجوملرینی قارهلگن.
اوشبو وزیرلیک، بوگون (۱۸-میزان، جمعه)، اکس صحیفهسیده بیر بیانیه ترقهتیب یازیشیچه: «پاکستان ینه بیر مرته افغانستاننینگ هوا حریمینی نقض قیلگن و دیورند چیزیغی یقینیده پکتیکا ولایتی مرغه منطقهسیدهگی تینچاهالی بازارینی بمباردمان قیلیب و شونینگدیک پایتخت، کابل حدودینی نقض قیلدی.»
بیزلرنینگ فیسبوک صحیفهمیزگه باش اورینگ!
مدافعه وزیرلیگینینگ ایتیشیچه، بو افغانستان و پاکستان تاریخیده «مثلسیز و زورهوانلیک بیر حرکت دیر. افغانستان توپراغیگه تجاوزنی جدی شکلده قارهلهیمیز و حدودیمیزدن دفاع قیلیش حقیمیز دیر.»
اوشبو وزیرلیک، پاکستان گه بو اقداملردن سونگ وضعیتنینگ هر قنچه کیسکینلشگنی صورتده، اونینگ عاقبتلری پاکستان حربیسیگه تاثیر قیلیشیدن آگاهلنتیرگن.
۱۷-میزان، پنجشنبه کیچه ساعت ۰۹:۵۰ اطرافیده، کابل شهرینینگ بیر قطار بولیملریده کوچلی ایکی پارتلش سیسی ایشیتیلگن. کابل یشاوچیلری، بو شهرنینگ تورلی بولیملریده حربی اوچاقلر بیلن بیرگه کوچلی ایکی پارتلش سیسی ایشیتیلگنیدن خبر بیرگنلر.
اسلام امیرلیگی سوزلاوچیسی ذبیحالله مجاهد، پنجشنبه کیچه اوز اکس صحیفهسیده، کابل ده پارتلش سیسی ایشیتیلگنی و بو توغریده تدقیقات دوام قیلیشینی یازگن. «کابل ده بیر پارتلش سیسی ایشیتیلدی. تدقیقاتنینگ دوامی بار و حاضرگچه زیان ییتیشگنی توغریسیده گزارش بیریلمهگن، خیروخیرت دیر.»
باشقه بیر تاماندن، پکتیکا ولایتی برمل تومنیده محلی منبعلرنینگ سلاموطندار گه ایتیشلریچه، پاکستان حربی اوچاقلری، بوگون ایرتنگ چاغی برمل تومنیده جایلشگن «مرغه»، منطقه بازارینی بمباردمان قیلگن.
بیزلرنینگ «ایکس» ترماغی ده هم تعقیب قیلینگ!
منبعلرنینگ کوپهیتیریشیچه، پاکستان کوچلری بوگون ایرتنگ چاغی ساعت ۱۲:۳۰ اطرافیده، «مرغه» منطقه بازاریگه هجوم قیلگن؛ بیراق بو واقعه تلفاتیدن گزارش بیریلمهگن. منبعلرگه کوره، «مرغه» منطقه بازاریده، دکانلردن بیر قطاری بوتونلی اورتهدن کیتیب و باشقه بیر قطارینینگ توارلری آلاو آلگن.
پاکستاننینگ اوشبو هجوملری، یشاوچیلرنینگ کوپینچه عکسالعمللری بیلن روپهره بولگن. افغانستان سابق جمهور باشلیغی حامد کرزی، فیسبوک صحیفهسیده بیر پیام ترقهتیب یازیشیچه، کابل و پکتیکا گه پاکستاننینگ هوا هجوملری، خلقارا قانون-قاعدهنی بیللی شکلده بوزیش، حاکمیتنی نقض قیلیش و افغانستان حریمیگه تجاوز دیب و اونی جدی شکلده قارهلگن.