پنجشیر کانلر و پترولیم ریاستیده مسئوللرنینگ ایتیشلریچه، حاضر ایسه اوشبو ولایتنینگ تورلی تومنلریده جایلشگن ۳۰۰ دن آرتیق زمرد و بیروج کانیده قازیب چیقریلیشنینگ دوامی بار. مذکور مسئوللرگه کوره، بو فعالیتلرده ۱۵ مینگدن آرتیق محلی ایشلاوچی مستقیم و نامستقیم شکلده ایش بیلن شغللنیب، قیمتبها تاشلرنینگ داوطلبلیککه قوییلیشی و ساتیلیشی، حکومت و اهالی اوچون یخشی بیر درآمد و اوشبو جریان سرمایه یاتقیزیلیش همده آستقورمهلر رواجلنیشیگه زمینه یرهته آلهدی.
بو توغریده یوتوقلر بولگنی بیرحالده، لیکن قازیب چیقریلیشلردن قطارینینگ علمی و یشش محیط ستندردلری رعایت بولمسلیگی بیلن عملگه آشیریلیشی بیان بولهدی. کانلردن حددن تشقری فایدهلنیش، سطحی سوولر یولی اوزگریشی و تاغلرده چیقهدیگن اوسیملیکلر جایی بوزیلیشی، بو جریاننینگ عاقبتلریدن بولیب و طبی اوسیملیکلر اورتهدن کیتیشی، توپراق بوزیلیشی و یاوای حیوانلرنینگ جبری شکلده کوچ قیلیشیگه سبب بولهدی.
بیزلرنینگ فیسبوک صحیفهمیزگه باش اورینگ!
پنجشیر دهگی دهقانلردن خداینظر ابراهیمینینگ ایتیشیچه: «کانلرنینگ حددن تشقری قازیب چیقریلیشی طبی اوسیملیکلر اورتهدن کیتیشی و یاوای حیوانلرنینگ کوچ قیلیشیگه سبب بولهدی. حاضر ایسه جدی قیینچیلیک بولگنی کوریلمهیدی، لیکن اوزون مدتده توپراقنینگ بوزیلیشی و سوو منبعلرینینگ زیان کوریشیگه سبب بولهدی. قازیب چیقریلیش بیلن بیرگه، اهالیگه سووغاریش کاناللری و سرکلر هم قوریلیشی کیرهک.»
پنجشیر یشاوچیلریدن صلاحالدین رهیاب، حکومتدن قازیب چیقرهدیگن شرکتلرگه قازیب چیقریش ایشلری یانیده، قیشلاق یوللری و سووغاریش کاناللرینینگ قیته قوریشگه مجبور قیلیشنی سورهگن. اونینگ اورغولشیچه: «خواطریمیز بو که، قازیب چیقریلیش خلقارا ستندردلر اساسیده بولسین که بو رقم بولاقلر قوریمهسین، طبی اوسیملیکلر اورتهدن کیتمهسین و یاوای حیوانلر قاچمهسین. بو دولت مسئولی که پنجشیر یشش محیطینی سقلسه.»
شوندهی بیرحالده، یشش محیط بیلرمانلرینینگ آگاهلنتیریشیچه، کانلر قازیب چیقریلیشی برقرار و علمی اسلوب جملهدن سوو منبعلری مدیریت بولیشی، اوسیملیکلر بولگن جایلر قیته قوریلیشی، توپراق بوزیلیشی آلدی آلینیشی و یشش محیط زیانلری کمهیشی اوچون محل کوچلریگه تعلیم بیریلیش ایشلرینینگ عملگه آشیریلیشی کیرهک.
یشش محیط بیلرمانی عزیزآقا عزیزینینگ آگاهلنتیریشیچه: «علمی قازیب چیقریشگه توجه قیلینمهگنی صورتده، نهفقط قیمت بها تاشلر درست قولگه کیلمهیدی؛ بلکیم یشش محیط بوزیلیش عاقبتلریگه هم اورته گه کیلهدی. ستندردسیز قازیب چیقریش، توپراقنینگ طبیعی قتلملرینی بوزهدی و ییر آستی بولیملرگه سوو کیتیشینی کمهیتیرهدی. شونینگدیک دریالر افلاسلنیشی، کیمیاوی ماهلر ییغیلیشی و توپراق بوزیلیشیگه سبب بولهدی که بو اوسیملیکلر بولگن جایلر و حیوانلرنینگ اورتهدن کیتیشیگه باعث بولهدی.»
بیزلرنینگ «ایکس» ترماغی ده هم تعقیب قیلینگ!
شوندهی بیرحالده، پنجشیر حاکمی سوزلاوچیسی سیفالدین لتون، کانچیلر آرقهلی بیرقطار قیینچیلیکلرنی تصدیقلب و ایتیشیچه: «یشش محیطنی سقلش ادارهسی بیلن هماهنگلیکده، قازیب چیقریشده ییترلی نظارت عملگه آشیریلهدی. قراردادلرده قازیب چیقریش جوازی صادر بولیشیدن آلدین کیرهکلی شرطلر ایتیلهدی. پنجشیر ده کانلر قازیب چیقریلیش جریانی، محلی تجربهلردن فایدهلنیش و قرارداد اصولی اساسیده آلغه کیتهدی. قیینچیلیکلر تیزلیککه تیکشیریلهدی و کیرهک بولگنیده، کانلردن بیر قطارینینگ جوازی بیکار قیلینهدی. پنجشیر رهبریتی ملی و خلقارا سوداگرلر همکارلیگی بیلن، زمرد قازیب چیقریلیش جریانینینگ ستندردلشتیریشگه حرکت قیلماقده.»
ایش بیلرمانلرنینگ اورغولشیچه، پنجشیر کانلرینینگ یخشی کیلهجگی اقتصادی فایدهلنیش و یشش محیطنی سقلش آرهسیدهگی برابرلیککه تیگیشلی دیر. قازیب چیقریلیش، علمی اصول و انیق نظارتنی رعایت قیلیش بیلن عملگه آشیریلگنی صورتده، اقتصاد رواجلنیشی و منطقهده برقرار ایش زمینهسیگه اوزگره آلهدی. لیکن بو وضعیت دوام قیلگنی، یشش محیط بوزیلیشی، سوو منبعلری کمهیشی و ملی سرمایهنینگ قولدن کیتیشیگه سبب بولیشی ممکن.
