ملی ترقیات شرکتی مسئوللری بوگون (سه‌شنبه، ۱۰-اسد)، «دولت نینگ ملت گه حساب بیریش» برنامه‌سیده ایتیشلریچه، اوتگن ییل ۸۹ ترقیاتی پروژه ایشی‌نی بیتیریب و فایده‌لنیش گه تاپشیرگنلر. مذکور پروژه‌لر آره‌سیده مسجد‌لر، فاتحه خوان‌لیک سالون‌لر، ستد‌یونلر، بیلیم یورت‌لر اوچون یاتاق‌خانه‌لر و کرونا گه چلینگنلر اوچون مخصوص کسل‌خانه‌لر شامل دیر.
ملی ترقیات شرکتی نینگ تولید و سودا اویغون‌لیگی ایشلری بوییچه اورین باسری ریاض‌الدین شریفی نینگ ایتیشیچه: «۱۴۴۴ ه.ق ییل‌ده ملی ترقیات شرکتی، ترقیات بولیم‌لریده مسجد‌لر، فاتحه خوان‌لیک سالون‌لر، ستد‌یونلر، بیلیم یورت‌لر اوچون یاتاق‌خانه‌لر و کرونا گه چلینگنلر اوچون مخصوص کسل‌خانه‌لر و تخار ولایتی‌ده نمک‌آب کانالی ایشی شامل ۸۹ پروژه ایشی‌نی بیتیریب و فایده‌لنیش گه تاپشیریلگن.»
بیزلرنینگ فیسبوک صحیفه‌میزگه باش اورینگ!
ملی ترقیات شرکتی مسئوللری نینگ ایتیشلریچه، ۱۱۳۱ پروژه قول آستیده دیر که، اولر ارا ۶۰۰ پروژه بودجه کم‌لیگی سبب، توخته‌گن. اولر نینگ تاکید قیلیش‌لریچه، جاری ییل‌ده ۲۱ پروژه اوستیگه ایشله‌یدیلر که، مذکور پروژه‌لردن کوپینچه‌سی ییل نینگ یکونی‌گچه تکمیل و فایده‌لنیش گه تاپشیریلیشی ممکن
ملی ترقیات شرکتی نینگ انشاآت رئیسی عبدالله احمدزی نینگ ایتیشیچه: «۱۱۳۱ پروژه قول آستیده دیر که، اولردن ۶۰۰ پروژه ایشی بودجه کم‌لیگی سبب توخته‌گن و ملی ترقیات شرکتی عایدی کوپ بولگن پروژه‌لر خصوصیده ایشله‌یدی.»
بیزلرنینگ توییترده هم تعقیب قیلینگ!
ایتیش کیره‌ک که، ملی ترقیاتی شرکت مسئوللری گه کوره، اوچ فاز‌ده طرح بولگن قوش تیپه ایکینچی‌لیک سوو کانالی نینگ بیرینچی فازی توغریسیده ایش نینگ جدی شکلده دوامی بار.
