افغانستان ده قان ملی بانکی مسئوللری نینگ ایتیشلریچه، اهالی نینگ معلوماتی یوقلیگی و بی‌پروالیگی طفیلی، کونده تالاسمی و هیموفیلیا کسل‌لری سانی کوپه‌یه‌دی.
افغانستان قان ملی بانکی رئیسی محمدناصر صادق نینگ سلام‌وطندار گه ایتیشیچه، حاضر مملکت بویلب ۱۲ مینگ‌دن آرتیق تالاسمی کسل‌لیگی و بیر مینگ ۱۳۰ هیموفیلیا کسل‌لیگی ثبت دیر. اونگه کوره، درست تیکشیروو صورت تاپگنی بیرحالده، اوشبو کسل‌لیک رقمی نینگ کوپه‌یشی ممکن.
بیزلرنینگ فیسبوک صحیفه‌میزگه باش اورینگ!
قان ملی بانکی رئیسی نینگ کوپه‌یتیریشیچه: «کون اوتیشی بیلن تالاسمی و هیموفیلیا کسل‌لیگی نینگ کوپه‌یشی خواطرلنتیرووچی دیر. ۱۲ مینگ‌دن آرتیق تالاسمی کسلی‌میز بار و کونده مذکور کسل‌لیککه ۳-۵ کیشی کوپه‌یه‌دی. هیموفیلیا ایسه قریب سکیزیوز ۷۰ و نیچه کیشی دیر و ۱۱۳۰ته هیموفیلیا کسل بار. درست احصائیه صورت تاپگنی پیتده، هیموفیلیا گه ۳-۴ مینگ کیشی نینگ چلینگنی ممکن که، سونگی کون‌لر مراجعت قیلووچیلر سانی ۲۰-۴۰ کیشی دیر.»
شونده‌ی بیرحالده، قان ملی بانکی گه قان آلیش اوچون کیله‌دیگن کسل‌دارلردن قطاری نینگ ایتیشلریچه، عایله‌وی توی قیلیش و توی قیلیش‌دن آلدین قان گروپ‌لری نی تعیین قیلمه‌سلیک سبب، باله‌لری تالاسمی و هیموفیلیا کسللیکلری گه چلینگن.
اون یاشر قیزی تالاسمی کسل‌لیگی گه چلینگن ستایش نینگ ایتیشیچه، هر آی تورت مرته اونگه قان اوتکزیله‌دی. اونینگ کوپه‌یتیریشیچه: «تالاسمی دیر، سویگی قان تولید قیله آلمه‌یدی، کوپ قیین‌چیلیک بیلن روپه‌ره دیر. بورونی‌دن قان کیله‌دی، قیتره‌دی،بو قان یوره‌ک و بویره‌کلری گه زیان ییتیشتیره‌دی. قرینی کته بولگن. تورموش اورتاغیم ابه‌م نینگ اوغلی دیر، ایکی‌میز هم بو کسل‌لیک‌دن ۵۰ و ۵۰ بار. بو قیزیم‌ده اوشبو کسل‌لیک ۱۰۰ بولگن.»
باشقه بیر تامان‌دن، ۱۳ یاشر اوغلی هیموفیلیا گه چلینگن زهرا نینگ ایتیشیچه، باله‌سی نینگ اوشبو کسل‌لیگ‌دن زیریککن. اونینگ کوپه‌یتیریشیچه: «بیردن قان‌کیتیشی باشله‌گنی صورتده، فکتور بولمه‌گنی گه قدر، هیچ نرسه اونینگ اورنینی آلالمه‌یدی. اقتصادی‌میز هم ضعیف و فکتور آلالمه‌یمیز. کوپینچه پیت، ایاغی نینگ آغریگنی سبب، هوش‌دن کیته‌دی.»
عین حالده، شفاکارلر عایله‌وی توی قیلیش‌لر خصوصیده اهالی نینگ معلومات‌سیزلیگی نی، مملکت‌ده تالاسمی و هیموفیلیا کسللیکلری کوپه‌یشی اصلی عاملی عنوان قیله‌دیلر.
بیزلرنینگ «ایکس» ترماغی ده هم تعقیب قیلینگ!
قان ملی بانکی‌ده تالاسمی و هیموفیلیا بولیمی مسئولی عبدالحمید زاهد نینگ ایتیشیچه: «عمه نینگ قیزی ابه‌سی نینگ اوغلی نی آلگنی و بو کسل‌لیک اولر نینگ وجودی‌ده بولگنی صورتده؛ بیراق اولر نینگ وجود‌لریده بیللی بولمه‌یدی، دنیا گه کیله‌دیگن باله‌لری، اوشبو کسل‌لیککه چلینه‌دی. بو کسل‌لر گه پلازما ییتیشمه‌گنی‌ده، اولیم یا-ده ناگران‌لیک بیلن روپه‌ره بوله‌دی.»
تالاسمی و هیموفیلیا کسللیکلری، کم‌قان‌لیک کسل‌لیک‌لریدن دیر که، مذکور کسل‌لیکلر گه چلینگنلر دوام‌لی شکلده قان پلازماسی نینگ آلیشلری کیره‌ک عکسینچه حالده، اوشبو کسل‌لیک اولر نینگ اولیمی و ناگران بولیشی گه سبب بوله‌دی.