سرپرست حکومت ترانسپورت و هوا یول‌لری وزیرلیگی نینگ هواشناسلیک ریاستی، کیله‌سی ایکی کون (جمعه و شنبه) کونلری بدخشان، ننگرهار، نورستان، کنر، لغمان، لوگر، پکتیا، خوست، پکتیکا و غزنی ولایت‌لریده سوو تاشقینی بیلن چقماق و نسبتا کوچلی یاغینگرچیلیک احتمالی‌دن آگاه‌لنتیرگن.
شونینگدیک مذکور ریاست، اوشبو ولایت‌لر نینگ تورلی منطقه‌لریده یامغیر یاغیش میزانینی ۱۵ دن ۳۰ ملی‌متر پیش‌بینلیک قیلگن.
بیزلرنینگ «ایکس» ترماغی ده هم تعقیب قیلینگ!
شونده‌ی بیرحالده، سونگی سوو تاشقینلردن زیان کورگن عایله‌لردن قطاری نینگ ایتیشلریچه، سوو تاشقینی یوز بیرگنی نتیجه‌سیده، یشش اوی‌لری بیلن ایکینچیلیک ییرلری بوزیلگن. اولر نینگ کوپه‌یتیریشلریچه، حاضرگچه سرپرست حکومت تامانیدن هیچ قنده‌ی یاردم قولگه کیلتیرمه‌گنلر.
ننگرهار ولایتی کوت تومنی یشاوچیسی عطاءالله نینگ ایتیشیچه، سوو تاشقینلر یوز بیرگنی نتیجه‌سیده، برچه نرسه‌سی نی قولدن بیرگن. اونگه کوره: «ییرلریمیزدن حاصل قولگه کیلتیرماقچین ایدیک. آلتی جریب ییر ایدی که سوو تاشقینی سبب ویران بولدی. بو طریق‌دن عایله خره‌جتی نی تامین قیله‌ر ایدیک. حاضرگچه سرپرست حکومت تامانیدن هیچ قنده‌ی یاردم قولگه کیلتیرمه‌گن‌میز و یاردم بیریلیشی نی ایسته‌یمیز.»
شونینگدیک سونگی سوو تاشقینلردن زیان کورگن لغمان ولایتی علی‌شینگ تومنی یشاوچیسی بولمیش زریابی، سرپرست حکومت تامانیدن حاضرگچه هیچ قنده‌ی یاردم قولگه کیلتیرمه‌گنی نی بیان قیلیب و یاردم ترقه‌تیلیشی نی ایسته‌گن. «سوو تاشقنیلر نتیجه‌سیده، اویی‌میز ییقیلدی و دیوارلر بوزیلدی. وضعیتی‌میز جوده‌یم خراب و اویلر نی قوریش گه کوچی‌میز ییتیشمه‌یدی. حاضرگچه یاردم قولگه کیلتیرمه‌گن‌میز و اویی‌میز نینگ قوریلیشی اوچون اسلام امیرلیگی‌دن همکارلیک ایسته‌یمیز.»
عین حالده، طبیعی آفت‌لرنی باشقریش ایشلری بوییچه دولت وزیرلیگی مسئوللری نینگ ایتیشلریچه، سونگی سوو تاشقنیلردن زیان ییتیشگن ولایت‌لر گه یاردم ییتکزیش پروسه‌سی نینگ دوامی بار.
بیزلرنینگ فیسبوک صحیفه‌میزگه باش اورینگ!
طبیعی آفت‌لرنی باشقریش ایشلری بوییچه دولت وزیرلیگی سوزلاوچیسی عبدالله جانان سایق نینگ ایتیشیچه: «اسلام امیرلیگی رهبری حکمی اساسیده، سوو تاشقینی‌ده شهید بولگنلر وارثی گه ۱۰۰ مینگ افغانی و یره‌لنگنلر گه ایسه ۵۰ مینگ افغانی یاردم بیرگن‌میز و یاردم ییتکزیلمه‌گن ولایت‌لر گه هم یاردم بیریش خصوصیده سعی‌وحرکت بوله‌دی.»
ایتیش کیره‌ک که، ینگی‌لیکده بیرلشگن ملت‌لر تشکیلاتی نینگ قاچقین‌لر ایشلری بوییچه عالی کمیساری یا-ده (UNHCR)، بیر گزارش آرقه‌لی افغانستان نینگ شمال، شمال‌شرق و غرب بولیم‌لریده یوز بیرگن سونگی سوو تاشقینلر نتیجه‌سیده، ۱۰ مینگ‌دن آرتیق یشش اوی نینگ بوزیلگنی نی بیان قیلگن ایدی.
