سلام‌وطندار نینگ معتاد قیلووچی دارولردن استعمال قیله‌دیگن ۱۸ ییگیت بیلن اوتکزگن صحبتی نتیجه‌سیده، بو کبی دارولردن فایده‌لنیش آسان و اونینگ قیمتی هم آز دیر.
مذکور گزارش‌ده صحبت قیلینگن ییگیتلر گه کوره، اولر معتاد قیله‌دیگن دارولرنی کابل و ولایت‌لرده‌گی ییریک داروخانه‌لر و مواد ساتیله‌دیگن جایلردن قوله‌ی بیر شکلده ساتیب آلاله‌دیلر.
کابل شهری یشاوچیلریدن ویس (مستعار آت)، نینگ ایتیشیچه، معتاد قیله‌دیگن دارولرنی آسان بیر شکلده قولگه کیلتیره‌دی. اونینگ کوپه‌یتیریشیچه: «مذکور تابلیتلر بازاریمیز ده ناقانونی شکلده ساتیله‌دی؛ ساته‌دیگن کیشیلر هم اصلاً سوره‌مه‌یدیلر و نسخه‌سیز بو دارولرنی بیره‌دیلر.»
ایش‌سیزلیک، روحی قیین‌چیلیکلر، عایله‌وی قیین‌چیلیکلر و ناسالم دوستلر بیلن یوریش، معتاد قیله‌دیگن دارولر گه یوز کیلتیریش سببلریدن بیلینگن.
مذکور گزارش‌ده صحبت قیلینگن ۱۸ ییگیت‌دن ۱۲ ته‌سی گه کوره، کوپینچه پیت پرگابالین و ترامادول‌دن قوللنه‌دیلر. باشقه آلتی ته‌سی نینگ ایتیشیچه، ترامادول و پرگابالین گه علاوه «تابلیت کا» دن هم قوللنه‌دیلر.
بیزلرنینگ «ایکس» ترماغی ده هم تعقیب قیلینگ!
کابل یشاوچیلریدن باشقه بیری حمید (مستعار آت)، نینگ ایتیشیچه، عایله‌وی باسیم‌لر و روحی قیین‌چیلیکلر سبب، فکرینی آرام قیلیش اوچون معتاد قیله‌دیگن دارولر گه یوز کیلتیرگنلر. مذکور ییگیت گه کوره: «قیغولردن قاچیش اوچون زیگپ و ترامادول‌دن فایده‌لنه‌من و بو تابلیتلر یانیده بو دارولر نینگ پیچکارلرینی هم آله‌من؛ اولر نینگ قیمتی ۲۰ افغانی‌دن ۱۰۰۰ و ۱۵۰۰ افغانی دیر.»
ایکی ییل‌دن بویان معتاد قیله‌دیگن دارولردن قوللنه‌دیگن کبیر (مستعار آت)، نینگ ایتیشیچه، ذهنی خواطرلردن اوزاق بولیش اوچون بو دارولردن قوللنیش گه یوز کیلتیرگن. «ییگیتلر گه معتاد قیله‌دیگن ماده‌لردن فایده‌لنمسلیک‌لرینی ایسته‌یمن؛ چونکه ضرردن باشقه هیچ بیر نرسه‌سی یوق. معتاد قیله‌دیگن دارولردن ایش‌سیزلیک و اولکه‌دن اوزاق‌لیک اوچون قوللندیم.»
کاپیسا یشاوچیلریدن احمد (مستعار آت)، نینگ ایتیشیچه، ناسالم دوستلر بیلن یوریش‌دن کیین معتاد قیله‌دیگن دارولرنی استعمال قیلیش گه مایل بولگنی نی ایته‌دی.
اونینگ کوپه‌یتیریشیچه: «دوستم زیگپ‌‌دن استعمال قیله‌ر ایدی و مینگه هم بیردی؛ تورت-بیش مرته قوللندیم؛ ضرردن باشقه هیچ نرسه‌سی یوق. خداوند هیچ کیم نی بو عمل گه چلینتیرمه‌سین که کوپ یامان بیر نرسه و یوره‌ک نی توخته‌ته‌دی.»
کاپیسا یشاوچیلریدن باشقه بیری قدیر (مستعار آت)، نینگ ایتیشیچه: «دوستلریم بیلن وقت اوتکزیش اوچون ییغیلیب و استعمال قیله‌ر ایدیک؛ بیراق حاضر ایسه معتاد بولدیم و مجبور اوندن قوللنسم. بیر ییل‌دن کوپ بولگن که زیگپ تابلیتی‌دن قوللنه‌من.»
باشقه عامللر گه علاوه، کمبغل‌لیک، روحی قیین‌چیلیکلر و آگاهی‌سیزلیک سبب، ییگیتلر معتاد قیله‌دیگن دارولردن قوللنیش گه یوز کیلتیرگن.
«تابلیت کا» دن قوللنه‌دیگن اکبر (مستعار آت)، نینگ ایتیشیچه، ایش‌سیزلیک سبب معتاد قیله‌دیگن دارولردن قوللنیش گه باشله‌گن. «معتاد قیله‌دیگن دارولردن کوپ قوللنگن‌مین؛ تابلیت کا استعمال قیلگنینگ پیتده، باشقه بیر دنیا گه بوله‌سن و درد و قیین‌چیلیک نی هیچ بیلمه‌یسن.»
شونینگدیک رامین (مستعار آت)، نینگ ایتیشیچه: «ایش‌سیزلیک سبب تابلیت K دن قوللنه‌من؛ پولینی بیران جای‌دن تاپه‌من؛ بیر ۲۴ ساعت آرام بوله‌میز.»
معتاد قیله‌دیگن داروللردن داملی شکلده قوللنیش، وابسته‌لیک یره‌تیش گه علاوه جسمی و روحی قیین‌چیلیکلر گه هم سبب بوله‌دی که مذکور دارولردن قوللنه‌دیگن کیشیلر نینگ ایتیشلریچه، معتاد قیلووچی دارولرنی استعمال قیلیش، اولرده تشویش، افسرده‌لیک، اونوتیش و روحی قیین‌چیلیکلر نی اورته گه کیلتیرگن.
معتاد قیله‌دیگن دارولرنی استعمال قیلیش‌دن کیین حافظه‌سی کمه‌یگن ییگیت‌لردن بیری الهام (مستعار آت)، نینگ ایتیشیچه: «زلزله بولگنینی توشیندیم، اوشه پیتده بیلمه‌دیم که پرگابالین تاثیری دیر. حافظه‌م نی مکمل قولدن بیرگن ایدیم و کیین شونچه هم انسان نینگ جسمی و مغزی گه ضرری بولگنی نی بیلدیم. بو دارولردن قوللنیش انسان نی فکر، حیات و برچه نرسه‌دن اوزاق‌لشتیره‌دی.»
بیزلرنینگ فیسبوک صحیفه‌میزگه باش اورینگ!
شونده‌ی بیرحالده، شفاکارلردن قطاری نینگ ایتیشلریچه، اعصاب سیستمی نینگ بوزیلیشی و جسمانی ضعیف‌لیک، معتاد قیله‌دیگن دارولرنی استعمال قیلیش اینگ آز عاقبتلریدن دیر.
عمومی داخله کسل‌لیکلری بوییچه متخصصی محمد‌صادق کاروال نینگ ایتیشیچه: «اوزون مدت‌‌ده کوپینچه خطرلرنی اورته گه کیلتیره‌دی، هم اعصاب سیستمی نی بوزه‌دی و هم روحی قیین‌چیلیککه سبب بوله‌دی؛ بونینگ یانیده هاضمه، یوره‌ک و تنفسی سیستمی گه قیین‌چیلیک یره‌ته‌دی.»
اجتماعی مسئله‌لر بیلرمانی و بیلیم یورت استادی احمدراشد صدیقی نینگ ایتیشیچه، شخصی، اجتماعی و عایله‌وی عامللر، ییگیتلر نینگ معتاد قیلووچی دارولردن قوللنیشلری گه سبب بوله‌دی.
جناب صدیقی نینگ کوپه‌یتیریشیچه: «شخصی عامللرده ایسه دوست انتخاب قیلیش نی ایته آله‌میز که دوست انسان نینگ رفتاری گه تاثیری قیلیشی ممکن؛ شونینگدیک اجتماعی کنترول بولمه‌گنی صورت‌ده، ییگیتلر کوپراق یولدن چیقیب و یامان یوللر گه کیتیشی ممکن.»
اسلام امیرلیگی ایچکی ایشلر وزیرلیگی مسئوللری، بیر آی آلدین اوشبو وزیرلیک نینگ بیر ییل‌لیک یوتوقلرینی بیان قیلیش برنامه‌سیده، اوتگن بیر ییل‌‌ده الکول‌لی ایچیم‌لیکلر، معتاد قیله‌دیگن تابلیتلر و بنگی‌وار ماده‌لر ایشلب چیقریله‌دیگن ۷۹۰ کارخانه نی اورته‌دن کیتگزیب و بو واقعه‌لر گه تیگیشلی بیر مینگ ۵۶۴ کیشی نی قولگه آلگنلرینی اعلام قیلگنلری بیرحالده، ییگیتلر معتاد قیله‌دیگن دارولر گه قوله‌ی شکلده فایده‌لنیشلرینی بیان قیلگنلر.
