ایش و اجتماعی ایشلر وزیرلیگی بوگون (دوشنبه، ۱۱-سرطان)، ایش فرصتلری یره‌تیلیشی مقصد، تورت ملی و خلق‌ارا نهاد بیلن ۸ همکارلیک شرطنامه نی امضا قیلگن.
مذکور وزیرلیک سوزلاوچیسی سمیع‌الله ابراهیمی نینگ ایتیشیچه، اوشبو شرطنامهلر ارزشی ۳ میلیون دالر‌دن کوپ دیر و اونینگ امضالنیشی بیلن مملکت نینگ ییتی ولایتی‌ده ۷ مینگ کیشی گه ایش زمینه‌سی یره‌تیلیشی ممکن.
بیزلرنینگ فیسبوک صحیفه‌میزگه باش اورینگ!
جناب ابراهیمی نینگ کوپه‌یتیریشیچه: «ایش و اجتماعی ایشلر وزیرلیگی بیلن تورت ملی و خلق‌ارا نهادلر آره‌سیده ۸ شرطنامه امضالندی و ۷ ولایت جمله‌دن کابل، بلخ، ننگرهار، قندهار، لغمان، بدخشان و جوزجان ده لایحه عمل گه آشیریله‌دی و اونینگ عمل گه آشیریلیشی بیلن ۲۴۳۷ عایله سرپرستی گه ایش زمینه‌سی یره‌تیله‌دی و ۴۶۰۰ زیان کوره‌دیگن باله نینگ عایله‌سیدن هم حمایت بوله‌دی.»
اوشبو شرطنامهلر باله‌لردن حفاظت قیلووچی تشکیلاتی یا-ده (Save the children)، سرف افغانستان، ساپو و واو نهادلری بیلن امضالنگن.
شونده‌ی بیرحالده، ملی و خلق‌ارا نهادلر مسئوللری اوشبو شرطنامهلر نینگ امضالنیشی نی افغانستان ده ایش زمینه‌سی یره‌تیلیشی اوچون فایده‌لی بیله‌دیلر.
نهادلر نماینده‌سی غلام‌مجتبا رسولی نینگ ایتیشیچه، اولر مسلکی کیشی‌لرنی قوللب-قوتله‌یدیلر. «تورلی ولایت‌لرده ایش قیله‌دیگن ۲مینگ‌دن آرتیق عایله نی قوللب-قوتله‌یمیز و هر بیر مسلک اوچون ۳۷۵ دالر اختصاص بیرگن‌میز.»
بیزلرنینگ «ایکس» ترماغی ده هم تعقیب قیلینگ!
باشقه بیر تاماندن، سرف افغانستان نهادی نماینده‌سی صابر حلیمی نینگ ایتیشیچه، مذکور نهاد چاروه‌چیلیک، بوت‌دوزلیک، فلز‌کارلیک و باشقه بیر قطار مسلک‌لر بولیمی‌ده اهالی گه ایش زمینه‌سی نی یره‌ته‌دی. «ایش اهالی آرقه‌لی پیشنهاد بیریله‌دی و اولر نی بیزلر حمایت قیلیب و اولر گه ایش زمینه‌سینی یره‌ته‌میز که اولر عایله‌لری نینگ نفقه‌سی نی تامین قیلسینلر. ایش بولیم‌لری ایسه بوت‌دوزلیک، چاوره‌چیلیک و باشقه بولیم‌لر دیر.»
ایش و اجتماعی ایشلر وزیرلیگی آرقه‌لی ارائه بولگن معلوماتی اساسیده، قویاش جاری ییل نینگ باشلنگنی‌دن بویان، ۱۶۰ شرطنامه امضالنگن که اولر نینگ عمل گه آشیریلیشی بیلن ۸۰ مینگ زیان کوره‌دیگن باله قوللب-قوتلنیب و باشقه ۲۵ مینگ کیشی گه ایش زمینه‌سی یره‌تیلگن.
