خلقارا ییتکرمهلر ایرکینلیک کونی بیلن بیرگه، کابل ده خبرچیلر و ییتکرمهلر مسئوللریدن قطارینینگ ایتیشلریچه، چیکلاولر یرهتیلگنی و حکومتی نهادلر تامانیدن وقتیده و اونملی معلومات شریک بولمسلیگی، ییتکرمهلرده تولید بولهدیگن محتوا مقداری و صفتی توغریسیده سلبی تاثیر قویگن.
کابل ده رادیو خبرچیلریدن رابعه سادات (مستعار آت)، نینگ ایتیشیچه، حکومتی نهادلر تامانیدن اونملی معلوماتلر شریک بولمسلیگی سبب گزارشلریدن کوپینچهسی ترقهتیلمهگن. اونینگ کوپهیتیریشیچه: «مذکور کونگه تیگیشلی بولگن موضوعنی ترقهتماقچین بولگنیمیزده معلومات وقتی ده قولیمیز گه ییتیشمهیدی؛ نهادلر بیلن سوراقلریمیزنی شریک قیلهمن، آلتی سوراقدن ایکی-اوچ ته اصلی سوراق جوابسیز قالهدی و انه شوو سبب گزارشیمیز ینگیلیگینی قولدن بیرهدی یا-ده ترقهتیلمهیدی.»
یک تلویزیونی خبرچیسی سیدبلال صیادنینگ ایتیشیچه، خبرچیلر ایشی برابریدهگی چیکلاولر، معلومات ییتکزیش خصوصیده قیزیقیشی کمهیگن. «بیر ایشنی عملگه آشیرگنیمیزده و ایش جریانیده باسیم بیلن روپهره بولگنیمیزده، بو باسیملر بیزلرنی زیریکتیرهدی و قیزیقیشیمیز کمهیهدی. حاضرگی قیینچیلیکلر، خبرچیلیکنی دوام بیره آلمهی و بو ایشنی ترک قیلیشیمیزگه سبب بولهدی.»
بیزلرنینگ فیسبوک صحیفهمیزگه باش اورینگ!
خبرچیلر و ییتکرمهلر فعالیتی برابریدهگی موجود قیینچیلیکلر، افغانستان ده معلوماتنینگ ایرکین شکلده ترقهتیلیشی قیینچیلیک بیلن روپهره بولیب و ییتکرمهلر فعاللریگه کوره، ییتکرمهلرنینگ اصلی ماهیتی اوزگریشی گه سبب بولگن.
کابل ده رادیولردن بیرینینگ مسئولی احمدزبیر قاسمیگه کوره، ییتکرمهلرگه بیر قطار چیکلاولر یرهتیلگنیدن کیین، ییتکرمهلریده ترقهتیلهدیگن موضوعلر مقداری و صفتی کوزگه کورینهرلی درجهده قویی کیلگن. اونینگ کوپهیتیریشیچه: «اوتگن اوچ ییلده صفتسیز موضوعلرنی ترقهتیشگه شاهدمیز . بو خواطرلنتیرووچی و ییتکرمه فعالیتیدن اوزاق دیر. خبرچیر گه معلومات شریک بولمسلیگی هم ایش توغریسیگه تاثیر قوییب و بو قیینچیلیکنینگ حلی اوچون توجه بولینیشینی ایستهیمیز.»
قاسمینینگ اورغولشیچه، سوژهلردن قطارینینگ ایشلنیشی و ترقهتیلیشیده چیکلاولر سبب، ایشلاوچیلریدن قطارینی کمهیتیرگن.
معلومات گه قول تاپیش برابریدهگی چیکلاولر و ییتکرمهلر برابریدهگی اقتصادی قیینچیلیکلر، افغانستان ده ییتکرمهلر فعالیتی برابریدهگی قیینچیلیکلردن دییلگن.
باشقه بیر تاماندن، چیگره بیلمس خبرچیلر تشکیلاتی تامانیدن اعلام قیلینگن ینگی خلقارا مطبوعات ایرکینلیگی ریتینگیده، افغانستان ۱۷۵-اوریننی ایگهلهگن. شونیندیگ افغانستان ده بیرلشگن ملتلر تشکیلانینینگ اورین باسرلیک هیئت ادارهسی (یوناما)، اوشبو کون مناسبتی بیلن اعلام قیلیشیچه، چیکلاولر و اقتصادی قیینچیلیکلر، افغانستان یشاوچیلرینینگ معلومات گه قول تاپیشینی جدی شکلده خوف بیلن روپهره قیلگن.
بیزلرنینگ «ایکس» ترماغی ده هم تعقیب قیلینگ!
بولرگه علاوه، سرپرست حکومت معلومات و مدنیت وزیرلیگینینگ ایتیشیچه، اسلام امیرلیگی اوتگن اوچ ییلده، خبرچیلرنینگ معلومات گه قول تاپیشی، ییتکرمهلر اقتصادی قیینچیلیگی حلی و اولرنینگ نشراتی ستندردلنیشی توغریسیده جدی آدیملرنی آلگن.
مذکور وزیرلیک سوزلاوچیسی خبیب غفراننینگ ایتیشیچه: «معلومات گه قول تاپه آلمسلیک موضوعنی بیراز حل قیلگنمیز؛ لیکن بیر قطار موضوعلرده حساسیتلر بار که نهادلر بیللی بیر وقتده ییتکرمهلر بیلن شریک قیلهدیلر.»
ییتکرمهلر ایرکینلیگی اهمیتی حقیده آگاهیلیک آشیشی و سوز ایرکینلیگی حقیگه حرمت قایل بولیش و قوللب-قوتلش اوچون دولتلر ایشینی بیلدیریش مقصد، اوچینچی می ۱۹۹۳-ییلده بیرلشگن ملتلر تشکیلاتی عمومی مجمعسی آرقهلی خلقارا ییتکرمهلر ایرکینلیک کونی صفتیده ناملنگن.
