ایران دن قیتهدیگن افغانستانلیکلرنینگ سانی کوپهیگنی بیلن بیرگه، بیرلشگن ملتلر تشکیلاتی قیتهدیگنلرنینگ آغیر احوالیگه نسبت آگاهلنتیریب و کوپینچه نیازمندلیکلرگه جواب بیریلیش مقصد، عاجل مالی یاردم سورهگن.
مذکور نهاد، ۷-سرطان، شنبه، بیر گزارش آرقهلی یازیشیچه، جاری میلادی ییل ۲۰-مارچدن بویان ۶۴۰ مینگدن آرتیق افغانستانلیک ایران دن قیتگن. بو آرهده، ۳۶۶ مینگدن آرتیق کیشی ایسه جبری شکلده چیقریلگن.
بیزلرنینگ فیسبوک صحیفهمیزگه باش اورینگ!
گزارشده کیلیشیچه، اینگ کوچلی قیتیش تولقینی ۲۶-جونده یوز بیرگن که مذکور بیر کونده، قریب ۳۶ مینگ ۱۰۰ کیشی چیگرهدن اوتگن.
مذکور نهادگه کوره، قیتهدیگن قاچقینلر سانی ۱۳-جوندن حاضرگچه کیتمه-کیت شکلده کوپهیماقده.
بیرلشگن ملتلر تشکیلاتینینگ معلوماتی اساسیده، جاری میلادی ییل باشلنگنیدن حاضرگچه، بیر میلیون ۲۰۰ مینگ افغانستانلیک قاچقین، ایران و پاکستان دن قیتیب یا-ده چیقریلگن.
قاچقینلر ایشلری بوییچه عالی کمیسارلیگینینگ کوپهیتیریشیچه، اوشبو کیشیلردن قطاری ضعیف روحی و جسمی وضعیت بیلن، باشپنهسیز و ییترلی منبعلرگه ایگه بولمهی، افغانستان گه قیتهدیلر.
بیرلشگن ملتلر تشکیلاتی قاچقینلر ایشلری بوییچه عالی کمیسارلیگینینگ آگاهلنتیریشیچه، یاردم بیریش دستورلریگه بولگن خلقارا قوللب-قوتلشنینگ کمهیشی، قشاقلیک، ناتینچلیک و ینهده کوپراق کوچیش خوفینی آشیرهدی.
بیزلرنینگ «ایکس» ترماغی ده هم تعقیب قیلینگ!
مذکور نهاد، ایران و پاکستان دن قیتیش تولقینیگه اشاره قیلیب، قیتهدیگن قاچقینلردن اوزواق مدتلی حمایتلر و عاجل یاردملر یرهتیلیشی اوچون تیزلیک بیلن بودجه تامینلنیشی توغریسیده خلقارا همجمعیتنینگ اقدام قلییشینی ایستهگن.
بیرلشگن ملتلر تشکیلاتی قاچقینلر ایشلری بوییچه عالی کمیسارلیگی، ینه بیر مرته میزبان مملکتلردن قیتیش جریانینینگ داوطلب، تینچ و انسانی کرامتنینگ سقلنیشی اساسیده عملگه آشیریلیشینی سورهگن.
