افغانستان مرکزی بانکی مسئوللری، بوگون (چهارشنبه، ۱۶ حمل) کابل شهری‌ده حکومت نینگ اطلاعات و میدیالر مرکزی ده ،۱۴۰۱-ییل نینگ ایش گزارشینی شریک قیلیش ییغیلیشی ده ایتیشیچه، سونگی معلومات اساسیده، مملکت‌ده پول نرخی ۱۴۰۰_ییل ده ۱۵.۳ فایز دن ۱۴۰۱_ییل ده ۳.۵ فایز پش توسگن.
افغانستان مرکزی بانک نینگ پولی سیاست باشلیغی احمد‌جواد سداد اوتگن بیر ییل ده پول ارزشی پس توشیش عامللری خصوصیده ایتیشیچه: «پول ارزشی پس توشیش سببی، پولی سیاست‌لر عملگه آشیریلیشی و باشقه بحث ایسه صادرات کوپه‌یشی دیر. شونینگدیک، منطقه مملکت‌لر‌دن قطاری نینگ پولی ارزشی قویی کیلیشی سببی، افغانی پول گه تقاضا کوپه‌یدی و باشقه موضوع هم، افغانستان گه انسان‌پرورلیک یاردم‌لر دیر که اونی هم رولی بار.»
بیزلرنینگ فیسبوک صحیفه‌میزگه باش اورینگ!
عین حالده، مرکزی بانک نینگ اعلام قیلیشیچه، اوتگن قویاش ییل ده، ۸ میلیارد ۶۰۰ میلیون افغانی درآمد قیلگن، ۱۴۰۰-ییل گه قره‌گنده ۵۹ فایز کوپه‌یگنینی کورسته‌دی. شونینگدیک، مرکزی بانک مسئوللری بوگون یولگه قوییلگن ییغیلیش ده ایتیشلریچه، ۱۴۰۱-ییل ده، ینگی چاپ ایتیلگن اوچ میلیارد ۱۴۰ میلیون ۸۰۰ افغانی مملکت گه ییتیشگن.
مرکزی بانک مسئوللری گه کوره، اوشبو بانک کیله‌جک ده افغانستان نینگ بانک‌دارلیک توزومینی، بوتونلی اسلامی بانک‌دارلیککه اوزگرتیریشنی نظر گه آلگن.
مرکزی بانک نینگ اسلامی بانک‌دارلیک رئیسی محمد‌یوسف سلیم نینگ ایتیشیچه: «اوتگن ییل برچه قانون-قاعده‌لر نی تیکشیردیک و حاضرگی وضعیت گه ماس‌لشتیریب، پالیسی‌میزنی تغییر بیریش خصوصیده سعی و حرکت قیلماقده‌میز.»
بیزلرنینگ توییترده هم تعقیب قیلینگ!
شونینگدیک، مرکزی بانک نینگ بازار عملیات رئیسی محمد‌عباس سامح نینگ سلام‌وطندار گه ایتیشیچه: «سعی و حرکتی‌میز پولی ذخیره‌لریمیز یخشی بولیشی گه سبب بولدی، سونگی معلومات گه قره‌گنده مملکت نینگ پولی ذخیره‌لری ۹.۲۸ میلیارد دالر گه ییتیشه‌دی که، بو آره ده ۷.۳ میلیارد دالری که معادلی ۷۹ فایز بوله دی امریکا قوشمه ایالت‌لری اختیاری‌ده دیر.»
افغانستان مرکزی بانکی نینگ معلوماتی اساسیده، ۱۴۰۰_ییل ده دالر برابری ده افغانی پول ۱.۰۱ فایز کمه‌یگن ایدی لیکن حاضر بو رقم ۱۳ فایز گه ییتگن.