افغانستان مرکزی بانک مسئوللری، بوگون (چهارشنبه، ۶-جدی)، خبری بیر ییغین‌ده جاری ییل‌ده چیت ایل‌لیک پول‌لر برابریده افغانی پول ارزشی سقلنیشی و کوپه‌یشی نی، اوشبو بانک نینگ اونملی یوتوق‌لریدن بیری اعلام قیلگن.
مرکزی بانک نینگ آماری اساسیده، جاری قویاش ییل‌ده امریکا دالری برابریده افغانی پول ارزشی، ۹.۷۴ فایز کوپه‌یگن.
اوشبو ییغین‌ده مرکزی بانک سرپرستی هدایت‌الله بدری نینگ ایتیشیچه، حاضر ایسه افغانی پول منطقه و دنیا مملکت‌لر پول‌لری آره‌سیده یخشی ارزش گه ایگه دیر. اونینگ کوپه‌یتیریشیچه: «ایریم مملکت‌لر، اقتصادیات بوییچه اداره‌لر همده ایش بیلرمان‌لر، افغانستان بویوک اوزگریش‌دن جدی مالی بیر توسیق‌لیک بیلن یوزمه یوز بولیشی ممکن دیب اویله‌گن ایدی‌لر، بیراق بو توسیق‌لیک یخشی‌لب باشقیریلیب، یالغیز توسیق‌لیک کوپه‌یمه‌دی بلکیم بو خصوصده کوپلب یوتوق‌لر هم قولگه کیلدی و افغانی پولی حاضر دنیا بویلب اینگ ارزش‌‍لی پول‌لر جمله‌سیدن دیر.»
بیزلرنینگ فیسبوک صحیفه‌میزگه باش اورینگ!
باشقه بیر تامان‌دن مرکزی بانک رسمی‌لری نینگ ایتیشلریچه، پولی سیاست‌لر تطبیق بولیشی و مالی بازارلر یخشی شکلده کنترول بولیشی بیلن، جمهوریت توزومی قوله‌گنیدن کیین ۱۵ فایزدن آرتیق گه ییتیشگن تورم نرخی نی، سلبی ۴.۸۶ فایز گه ییتیشتیره آلگنلر.
بو توغریده مرکزی بانک پولی سیاست‌لر بوییچه آمری احمدجواد سداد نینگ ایتیشیچه: «قویاش ۱۴۰۰-ییل نینگ دستلبکی آلتی آیی جریانیده اورته‌چه تورم نرخی سلبی ۲.۹ فایز ایدی، کیین ۱۴۰۱ ییل نینگ ایکینچی آلتی آیی جریانیده بو ایکی رقم‌لیک بولدی و حاضر ایسه قویاش ۱۴۰۲- ییل جریانیده بو نرخ سلبی ۴.۸ فایزگه ییتیشدی.»
بونگه قوشیمچه، مرکزی بانک رسمی‌لری غیربانکی مالی بولیم فعالیت‌لرینی هم یخشی‌لب تیکشیرگن‌لری نی، جاری ییل ایچیده اوتگن ایکی ییل گه نسبت یخشی‌راق عمل قیلگنلری نی ادعا قیلگنلر.
صرافی‌لر اوچون بیر مینگ ۷۵ شرکتی جواز و پولی خدمت‌لر ترقه‌تیلیشی و مملکت مالی بازارلریده شبهه‌لی معامله‌لر نینگ ۳۸ فایز کمه‌یشی، مرکزی بانک مسئوللری اشاره قیلگنلری یوتوق‌لردن باشقه بیری دیر.
مرکزی بانک نینگ غیربانکی سکتوری فعالیت‌لرینی تیکشیریش آمری احمدظاهر ناصرزی نینگ بو توغریده ایتیشیچه: «جاری ییل ایچیده ۲۸۳ شبهه‌لی معامله رویخط‌گه آلینگن بو رقم اوتگن ییل‌گه ایسه ۴۲۰ شبهه‌لی معامله ایدی که نتیجه‌ده، شبهه‌لی معامله‌لر نینگ ۳۸ فایز کمه‌یگنی نی کورسته‌دی.»
بیزلرنینگ «ایکس» ترماغی ده هم تعقیب قیلینگ!
شونده‌ی بیرحالده، افغانستان ده بانکی خذمت‌لر ارئه‌سی ایکی ییل‌دن کوپراق اوتگنی بیل عادی حال گه قیتمه‌گن.
مرکزی بانک نینگ بانکی تیکشیریش بوییچه عمومی آمریتی اورین‌باسری احسان الله منصور گه کوره: «کابل فتح ایتیلگن زمانی شخصی بانک حساب‌لریدن ایکی یوز دالر یاده ۲۰ مینگ افغانی آلیش ممکن ایدی؛ حاضر بو رقم ایسه بیر مینگ دالرگه ییتیشگن، دیمک بو توغریده ۴۰۰ فایز یوتوق بار.»
ایتیش کیره‌ک، مرکزی بانک رسمی‌لری مملکت بویلب تورم نرخی کمه‌یگنینی بیلدیرسه‌ده بیراق جاری ییل ترقه‌تیلگن معلومات‌لرگه کوره، جاری میلادی ییل‌ده افغانستان نینگ صادرات میزانی اوتگن ییل گه نسبت بیراز کمه‌یگن. مرکزی بانک مسئوللری بو توغریده سلام‌وطندار نینگ سوراقی گه، افغانستان ده تورم نرخی کمه‌یشی دنیا تورم نرخی کمه‌یشی کبی باشقه عامللر نینگ سبب بولگنی نی ایتگن دیر.
