افغانستان مرکزی بانکی، ۲۷-قوس، سه‌شنبه کونی بیر بیانیه ترقه‌تیش بیلن ایتیشیچه، اهالی‌نینگ سودا-ساتیق ایشلری‌نی آسانلشتیریش مقصد، ایسکیرگن ۸۴۰ میلیون ۶۵۰ مینگ افغانی‌نی آلاو بیرگن.
مذکور پوللر دقیق حساب‌لنیب و کنترول بولگنی‌‌دن کیین، افغانستان مرکزی بانکی‌نینگ ایکینچی اورین‌باسری محمد آخوند رهبرلیگی بیلن مسئول هیئت نظارتی آستیده، آلاو بیریلگن.
بیزلرنینگ فیسبوک صحیفه‌میزگه باش اورینگ!
مرکزی بانک‌نینگ کوپه‌یتیریشیچه، ۱۰، ۲۰، ۵۰، ۱۰۰، ۵۰۰ و ۱۰۰۰ افغانی‌‌لیک بولگن اوشبو پوللر، مرکزی، شرقی (ننگرهار) و جنوب‌شرقی (پکتیا) حوزه‌لریدن ییغیلگن.
محمد آخوند، افغانی پول‌لرنی سقلش و اولردن فایده‌لنیش‌ده اهالی‌نینگ همکارلیگی‌نی اونملی دیب و افغانی پول‌لر‌نینگ تیزلیککه ایسکیریشی آلدی آلینیشی خصوصیده توجه قیلیش‌لرینی ایسته‌‌گن.
اونینگ ایتیشیچه: «حرمتلی اولکه‌داشلریمیز بکسک‌دن قوللنیب و یاغلیق قول بیلن پول‌نی حساب قیلمه‌نگ؛ چونکه اونینگ قیته چاپ بولیشی کوپینچه خره‌جت کوتاره‌دی.»
بیزلرنینگ «ایکس» ترماغی ده هم تعقیب قیلینگ!
مذکور پوللر خوفسیزلیک نهاد‌لر و عدلیه و مالیه وزیرلیک‌لری نماینده‌لری حضوری‌ده، مخصوص کوره‌لرده آلاو بیریلگن.
بوندن آلدین هم مرکزی بانک، اهالی‌نینگ سودا-ساتیق ایشلری‌نی آسانلشتیریش مقصد، ایسکیرگن میلیون‌لرچه افغانی‌نی آلاو بیرگن.