سرپرست حکومت ترانسپورت و هوا یوللری وزیرلیگی نینگ هواشناس‌لیک ریاستی ۱۱ و ۱۲ حوت کون‌لری مملکت نینگ ۳۰ ولایتیده کوچلی قار و یامغیر یاغیب و بوران یوز بیریش احتمالی‌دن آگاه‌لنتیرگن.
اوشبو ریاست بوگون (پنجشنبه، ۱۰-حوت) بیر خبرنامه ترقه‌تیب ایتیشیچه، پروان ده سالنگ‌لر شامل هرات، فراه، هلمند، قندهار، زابل، ارزگان، دایکندی، غور، سرپل، بلخ، بامیان، میدان‌وردک، غزنی، پکتیکا، خوست، پکتیا، لوگر، ننگرهار، لغمان، کنر، نورستان، بدخشان، تخار، قندوز، کابل، پروان، پنجشیر، کاپیسا، بغلان و سمنگان ولایت‌لری‌ده کوچلی قار و یامغیر یاغیب و بوران یوز بیریش احتمالی پیش‌بینلیک بولگن.
بیزلرنینگ فیسبوک صحیفه‌میزگه باش اورینگ!
شونینگدیک مذکور ریاست، اوشبو ولایت‌لر نینگ تورلی منطقه‌لریده یامغیر یاغیش میزانینی ۱۵ دن ۵۰ ملی‌متر و قار یاغیش میزانی نی ۸۰-۲۰ سانتی‌متر پیش‌بینلیک قیلگن.
شو بیلن بیرگه، ترانسپورت و هوا یوللری وزیرلیگی نینگ هواشناس‌لیک ریاستی سالنگ‌لر شامل غرب، جنوب، جنوب-غرب و مرکزی ولایت‌لر‌ده احتمالی کوچلی چنگ و توپه‌لنگ بیلن بوران یوز بیریشینی معلوم قیلگن.
بیزلرنینگ «ایکس» ترماغی ده هم تعقیب قیلینگ!
اېریم منطقه‌لرده بوران تیزلیگی بیر ساعت ده ۲۰ دن ۷۵ کیلومتر پیش‌بینلیک بولگن.
بوندن آلدین، مذکور ریاست مملکت نینگ قطار ولایت‌لری‌ده کوچلی قار، یامغیر و بوران یوز بیریشیدن خبر بیرگن اېدی.
