لوگر ترافیک مدیریتی مسئوللری نینگ ایتیشلریچه، ۱۶-میزان، دوشنبه کونی اوشبو ولایت مرکزی پل‌علم شهری و محمد‌آغه تومنی اطرافیده یوز بیرگن اَیری ایکی ترافیکی حادثه نتیجه‌سیده، بیر عیال اولیب و ۱۴ کیشی ایسه یره‌لنگن.
لوگر ترافیک مدیریتی نینگ ییتکرمه‌لر بولیمی مسئولی گل‌محمد همت نینگ سلام‌وطندار گه ایتیشیچه، بیرینچی حادثه لوگر-پکتیا عمومی قتناو یولی پل‌علم شهری اطرافیده یوز بیرگن. «سراچه» رسوملی بیر موتر بیلن «کاستر» رسوملی بیر موتر نینگ توقنشگنی نتیجه‌سیده یوز بیرگن مذکور حادثه‌ده، بیر عیال اولیب و باشقه ۱۱ کیشی یره‌لنگن.
بیزلرنینگ فیسبوک صحیفه‌میزگه باش اورینگ!
لوگر ترافیک مدیریتی نینگ ییتکرمه‌لر بولیمی مسئولی گه کوره، ایکینچی حادثه محمد‌آغه تومنی نینگ «پُل کندهاری» ساحه‌سیده، «کرولا» رسولی یولاوچی تاشووچی بیر موتر نینگ چپه بولگنی نتیجه‌سیده یوز بیریب، هیداوچی شامل اوچ کیشی یره‌لنگن.
گل‌محمد همت نینگ اورغولشیچه، مذکور ایکی ترافیکی حادثه نتیجه‌سیده یره‌لنگنلر، خوفسیزلیک کوچلری آرقه‌لی لوگر ولایتی کسل‌خانه‌سی گه انتقال بیریلیب و یره‌لنگنلردن قطاری نینگ احوالی آغیر دییلگن.
بیزلرنینگ «ایکس» ترماغی ده هم تعقیب قیلینگ!
هیداوچیلر نینگ احتیاط‌سیزلیگی و تیز هیده‌شی، یوز بیرگن مذکور ایکی ترافیکی حادثه سببلریدن عنوان بولگن.
