لوگر ده‌گی ایکینچیلردن قطاری نینگ ایتیشلریچه، اوشبو ولایت‌ده سریمساق «سیر» ایکیلیشی، اوتگن ییل‌لر گه قره‌گنده کوپه‌یگن دیر.
لوگر مرکزی پل‌علم شهری‌ده بیر مینگ مترمربع ییری گه سریمساق ایککن ایکینچیلردن جمعه‌گل نینگ ایتیشیچه، آز خره‌جت بیلن کوپ فایده قولگه کیلیشی اوچون، اوشبو محصول نینگ ایکیلیشی کوپه‌یگن دیر. او لوگر ایکینچیلیک، سووغاریش و چاروه‌چیلیک ریاستی‌دن، سریمساق نینگ ستندرد شکلده ایکیلیشی خصوصیده ایکینچیلر گه تعلیم بیریلیشی و محصوللری اوچون یخشی بازار ایجاد بولینیشی نی ایسته‌گن.
جمعه‌گل نینگ کوپه‌یتیریشیچه: «سریمساق ایکیلیشی خصوصیده ایکینچیلر قیزیقیشی آرتگن. لوگر ایکینچیلیک ریاستی‌دن یاردم بیریلیشی نی ایسته‌یمیز که، محصول‌لریمیز کوپه‌یسین.»
بیزلرنینگ توییترده هم تعقیب قیلینگ!
لوگر ده ایکینچیلیک ایشلری بوییچه ایش بیلرمانی محمد‌رفیع ابراهیمی نینگ ایتیشیچه، پل‌علم شهری گه علاوه، سریمساق ایکیلیشی چرخ، محمد‌آغه و بره‌کی‌برک تومن‌لریده هم کوپه‌یگن دیر. اونگه کوره، «سریمساق کوز موسومی یاده کوکلم موسومی نینگ باشیده ایکیله‌دی و هر بیر هکتار ییرده، ۳۰۰-۴۰۰ کیلوگرام اصلاح بولگن اروغ‌دن قوللنیله‌دی که، اوچ آی‌ده حاصل بیره‌دی.»
ابراهیمی نینگ کوپه‌یتیریشیچه، سریمساق ایکی تور معمولی و قطاری شکلده ایکیله‌دی که، قطاری شکلده هر قطار اورته‌سیده ۲۵-۳۰ سانتی‌متر و اولر نینگ چقورلیگی اوچ-ییتی سانتی متر نظر گه آلینه‌دی.
باشقه بیر تامان‌دن، لوگر گه سریمساق آلیش اوچون کیلگن عتیق‌الله نینگ ایتیشیچه، سریمساق ایکیلیشی نینگ کوپه‌یشی بیلن، اوشبو ولایت‌ده اونینگ بهاسی کمه‌یگن. اونینگ کوپه‌یتیریشیچه: «بازار گه کوپ سریمساق کیله‌دی. لوگر ده ایکینچیلر بو ییل کوپراق سریمساق ایککنلر و یخشی فایده قولگه کیلتیرگنلر. لوگر ده بیر کیلوگرام سریمساق بهاسی، قریب ۱۰۰ افغانی دیر.»
لوگر ایکینچیلیک، سووغاریش و چاروه‌چیلیک ریاستی نینگ میدیالر مسئولی شاهد‌الله همراز نینگ ایتیشیچه، جاری ییل اوشبو ولایت‌ده ایکینچیلر سریمساق ایکیش گه قیزیققنلر.
بیزلرنینگ فیسبوک صحیفه‌میزگه باش اورینگ!
اونینگ سلام‌وطندار گه ایتیشیچه، لوگر ایکینچیلیک ریاستی، سریمساق تولیدی نینگ کیفیتلی بولیشی مقصد، ایکینچیلر گه سریمساق نینگ ستندرد ایکیلیشی خصوصیده تعلیم بیریب و کیره‌کلی نرسه‌لر نی اولر نینگ اختیاری گه قرار بیریش نی نظر گه آلگن. اونینگ کوپه‌یتیریشیچه: «لوگر ده سریمساق سنتی شکلده ایکیله‌دی که، ایکینچیلر یخشی فایده قولگه کیلتیره‌دیلر. چاروه‌چیلیک و ایکینچیلیک ریاستی نینگ اوسیم‌لیکلر بولیمی مدیریتی نینگ سونگی سروی اساسیده، مذکور ولایت‌ده قریب آلتی هکتار ییر گه سریمساق ایکیلگن دیر.»
لوگر یشاوچیلریدن کوپ قطاری، ایکینچیلیک و چاروه‌چیلیک بیلن شغللنگن و بو یول آرقه‌‌لی نیازلری نی تامین‌له‌یدیلر.
